59 قاتىسۋشى ۇستالعان.
ۇلتتىق قاۋىپسىزدىك كوميتەتى زاڭسىز اينالىمنان 282 كەلى ەسىرتكىنىڭ جولىن كەستى، دەپ حابارلايدى Almaty-akshamy.kz.
«2022 جىلعى شىلدە مەن قازان ارالىعىندا ەسىرتكىگە قارسى، ونىڭ ىشىندە رەسەيلىك، وزبەكستاندىق جانە قىرعىزستاندىق ارىپتەستەستەرمەن بىرلەسكەن 36 وپەراسيا وتكىزىلدى. ەسىرتكى ترافيگىنىڭ 11 حالىقارالىق جانە 14 اۋماقتىق ارناسى جويىلدى. سينتەتيكالىق ەسىرتكى وندىرۋمەن اينالىساتىن 4 جاسىرىن لابوراتوريانىڭ ىس-ارەكەتى بەيتاراپتاندىرىلدى. ارنايى وپەراسيالار بارىسىندا ەسىرتكى قۇرىلىمدارىنىڭ 59 قاتىسۋشىسى ۇستالدى. زاڭسىز اينالىمنان 282 كەلى ەسىرتكى، ونىڭ ىشىندە 32 كەلى گەروين، 11 كەلى اپيىن، 60 كەلى سينتەتيكالىق ەسىرتكىلەر، 156 كەلى ماريحۋانا، 22 كەلى گاشيش الىندى. سونىمەن قاتار اينالىمنان 861 «ەكستازي» تابلەتكاسى جانە پسيحوتروپتىق زاتتاردى ازىرلەۋگە ارنالعان 3 توننادان اسا حيميالىق رەاگەنتتەر شىعارىلدى»، - دەلىنگەن ۇلتتىق قاۋىپسىزدىك كوميتەتىنىڭ حابارلاماسىندا.
حالىقارالىق ەسىرتكى بيزنەسىنە قارسى تۇرۋ بويىنشا ءىس-شارالار جالعاسۋدا.