كونكۋرستىڭ شارتى بويىنشا قىسقا مەتراجدى ءفيلمدى ەكى كۇندە ءتۇسىرۋ كەرەك بولعان.
داۆيد ليتۆينوۆ Cannes Shorts فرانسۋز بايقاۋىندا "ۇزدىك كومپوزيتور" نوميناسياسىنىڭ تىزىمىنە ەندى، دەپ حابارلايدى Almaty-akshamy.kz.
كانداعى بايقاۋدىڭ قازىلار القاسىن تاڭعالدىرعان مۋزىكانى داۆيد «Victoria» فيلمىنە جازعان. بۇل ءفيلمدى پەتروپاۆلدىق رەجيسسەر الەكساندر شينگۋروۆ تۇسىرگەن.
ءتورت مينۋتتىق فيلم اقش-تىڭ قازاقستانداعى ديپلوماتيالىق ميسسياسى ۇيىمداستىرعان «48 hour Film Race» ورتا ازيا بايقاۋى ءۇشىن ارنايى تۇسىرىلگەن. كونكۋرستىڭ شارتتارى بويىنشا قىسقا مەتراجدى ءفيلمدى ەكى كۇندە ءتۇسىرۋ كەرەك بولعان.
كانداعى بايقاۋدىڭ قازىلار القاسىن تاڭعالدىرعان مۋزىكانى داۆيد «Victoria» فيلمىنە جازعان.
تاپسىرما بويىنشا فيلمدە كوك ءتۇستى كەيىپكەر، قاعاز، جۇرەك بولۋى كەرەك جانە «الەم - بۇل...» دەگەن ءسوزدى شىعارماشىلىقپەن جالعاستىرۋ كەرەك.
«جۇمىس بىردەن باستالدى. ورىن دا، اكتەرلەر دە تابىلا كەتكەن. قۋىرشاق تەاترىنىڭ اكتەرى الەكساندر پارحومەنكو مەن جاڭادان كەلگەن كىشكەنتاي اكتريسا ەسەنيا رۋرا رولدەرگە وتە جاقسى سايكەس كەلدى، سونداي-اق اۋىر تۇسىرىلىمدەردەن ابىرويمەن ءوتتى»، - دەپ ءتۇسىندىردى الەكساندر شينگۋروۆ.
ءتورت مينۋتتىق فيلم «48 hour Film Race» ورتا ازيا بايقاۋى ءۇشىن ارنايى تۇسىرىلگەن.
ايتپاقشى، فيلم جازدا تۇسىرىلگەن، ال ءتۇسىرىلىم كۇندەرى اۋا رايى ادام توزگىسىز ىستىق بولعان. قىسقا مەتراجدى فيلمدە الەمنىڭ ەرەكشە وزەكتى تاقىرىبى قوزعالعان.
«مەن، ەۆگەنيي لۋكيانوۆ جانە انتون ششەلكۋنوۆ سۋرەتتىڭ سيۋجەتىمەن اينالىستىق. ءبىراق اقىرىندا يدەيا ديەۆيد ليتۆينوۆتىڭ مۋزىكاسى ارقىلى جاسالدى. فيلمگە وتە جاقسى سايكەس كەلەتىن ساۋندترەكتى داۆيد ءبىر تاۋلىكتەن از ۋاقىت ىشىندە جازدى. ونىڭ ۇستىنە ول ءتۇسىرىلىم الاڭىنا قاتىسقان جوق، ءبىراق بۇل وعان كارتينانىڭ يدەياسىن سونشالىقتى تەرەڭ جانە شىنايى اشۋعا ەش كەدەرگى بولمادى، مەن ءتىپتى ولاي بولارىن ءوزىم دە ەلەستەتە المادىم»، - دەدى رەجيسسەر.
ناتيجەسىندە «ۆيكتوريا» ءفيلمى «48 ساعاتتىق فيلم جارىسى» بايقاۋىنىڭ «ۇزدىك دراما» نوميناسياسىندا جەڭىسكە جەتتى. وسىدان كەيىن اۆتورلار جۇمىستى تاعى بىرنەشە ەۋروپالىق كونكۋرستارعا جىبەرۋگە شەشىم قابىلداعان.
«فرانسۋزدىق Cannes shorts بايقاۋىندا داۆيد جازعان فيلم مۋزىكاسى «ۇزدىك كومپوزيتور» نوميناسياسى بويىنشا ۇزدىك بەستىككە ەندى. وسىنداي ۇلكەن باسەكەلەستىكپەن نوميناسيانى الۋ – ۇلكەن ابىروي. بىزبەن بىرگە ەڭبەك ەتكەن بارلىق ارىپتەسىمىزگە مىڭ العىس!»، - دەپ ءبولىستى شينگۋروۆ.
داۆيد ليتۆينوۆتىڭ ءوزى جەڭىسكە قاتتى تاڭعالعانىن مويىندادى.
«ساشا كاندا قىسقا مەتر فەستيۆالى بار ەكەنىن جانە ءفيلمدى سول جەرگە جىبەرۋ كەرەك ەكەنىن ايتتى. ءبىز بۇل تۋرالى سويلەسكەنىمىزبەن ۇمىتىپ كەتتىك، مەن شىنىمدى ايتسام، سىياقى تۋرالى كوپ ويلامادىم دا. جۇبايىم الەۋمەتتىك جەلىلەردە مەنى نوميناسيامەن قۇتتىقتاپ جاتقانىن ايتقانعا دەيىن سەنبەدىم. بۇل مەن ءۇشىن تاڭعالارلىق جاڭالىق بولدى!»، - دەپ كۇلدى داۆيد ليتۆينوۆ.
رەجيسسەر مەن كومپوزيتوردىڭ شىعارماشىلىق دوستىعى ۋنيۆەرسيتەتتە وقىعاننان بەرى ۇزاق ۋاقىت بويى جالعاسىپ كەلەدى. ولار «سوزنانيە»، «پاۋتينا»، «ريەلتور» فيلمدەرىندە بىرگە ەڭبەك ەتكەن. مۋزىكانت پەن رەجيسسەر بۇدان بىلاي دا كوپتەگەن قىزىقتى جوبانى ومىرگە اكەلەتىنىنە سەنىمدى.