ولار شەتەلدىك ستۋدەنتتەردىڭ نەگىزگى كونتينگەنتىن قۇرايدى.
دەنساۋلىق ساقتاۋ ۆيسە-مينيسترى جاندوس بۇركىتبايەۆ قۇتتىقتاۋ سوزىندە بيىلعى جىل قازاقستان مەن ءۇندىستان اراسىنداعى دوستىق قارىم-قاتىناستىڭ 30 جىلدىعى ەكەنىن ايتتى، دەپ حابارلايدى Almaty-akshamy.kz
«وسى تاريحي قىسقا مەرزىم ىشىندە ەكى مەملەكەت اراسىنداعى ىنتىماقتاستىق جاڭا ساپالى دەڭگەيگە كوتەرىلدى. قازاقستاندا ەلەۋلى رەفورمالار جۇرگىزىلۋدە. ولار سونداي-اق قولجەتىمدى، ساپالى جانە جاۋاپتى دەنساۋلىق ساقتاۋدى قۇرۋعا جانە باسەكەگە قابىلەتتى مەديسينا ماماندارىن دايارلاۋعا باعىتتالعان»، - دەپ اتاپ ءوتتى ول ءوز سوزىندە.
قازىرگى ۋاقىتتا قازاقستاندىق جوعارى وقۋ ورىندارىندا ءۇندىستاننان 5000-نان استام ستۋدەنت وقيدى جانە ولار شەتەلدىك ستۋدەنتتەردىڭ نەگىزگى كونتينگەنتىن قۇرايدى. ۆيسە-مينيستر قازاقستاندىق مەديسينالىق ۋنيۆەرسيتەتتەردىڭ ءبىلىم بەرۋ باعدارلامالارى بارلىق حالىقارالىق ستاندارتتارعا سايكەس كەلەتىنىن جانە شەتەلدىك ستۋدەنتتەر مەديسينالىق ماماندىق الۋ ءۇشىن ءبىزدىڭ ەلىمىزدى تاڭدايتىنى كەزدەيسوق ەمەس ەكەنىن اتاپ ءوتتى.
ءوز كەزەگىندە مينيستر حانىم ستۋدەنتتەر الدىندا ءسوز سويلەپ، ءاربىر ستۋدەنت باسقا ەلدە بولا تۇرا، ءۇندىستاننىڭ ەلشىسى ەكەنىن جانە ونىڭ كەلبەتى مەن مىنەز-قۇلقى تۋعان ەلىنىڭ ەڭ جاقسى داستۇرلەرىن كورسەتۋ كەرەكتىگىن ايتتى. ول جاستاردىڭ نازارىن COVID-19 پاندەمياسى كەزىندە بۇكىل الەم تاپ بولعان قيىندىقتارعا اۋدارىپ، ستۋدەنتتەردى ءوز دەنساۋلىقتارىن كۇتىپ، ەكپە الۋعا شاقىردى. سونداي-اق ءۇندىستاننىڭ تۋمالارىن قازاقستاندا وقىتۋ ءۇشىن جاسالعان مۇمكىندىك پەن قولايلى جاعدايلار ءۇشىن ريزاشىلىعىن ءبىلدىردى.