سپورتشى بەس رەكورد جاڭارتقان
شاحتينسك قالاسىنىڭ 19 جاستاعى تۇرعىنى رۋسلان فاتاحوۆ كەرمەگە تارتىلۋدان بەس جاڭا رەكورد ورناتىپ، گيننەستىڭ رەكوردتار كىتابىنا ەندى، دەپ حابارلايدى Almaty-akshamy.kz
رۋسلان كىشكەنتاي كەزىنەن سپورتپەن اينالىسقان. العاشىندا گرەك-ريم كۇرەسىن جاقسى كورگەن، كەيىن جەڭىل اتلەتيكامەن، فۋتبولمەن، باسكەتبولمەن، ۆولەيبولمەن، ال 16 جاسىندا ستريتليفتينگپەن اينالىسقان.
«سپورت - مەنىڭ ءومىر سالتىم. جەڭىسكە جەتكەندى، ءبىرىنشى بولعاندى جاقسى كورەمىن. ستريتليفتينگ - وز-وزىڭمەن كۇرەسۋ. باسىندا ارتىق سالماقپەن كوتەرىلە المادىم، ءبىراق اۋىر جاتتىعۋلار ءوز ناتيجەسىن بەردى. بىلتىر جازدا ءوز سالماعىممەن +32 كەلى تارتۋدا الەم چەمپيونى اتاندىم. چەمپيونات كييەۆتە ءوتتى»، دەدى رۋسلان.
رۋسلان بىلتىر قازاندا گيننەستىڭ رەكوردتار كىتابىنا «قوسىمشا سالماقپەن تارتىلۋ» نوميناسياسىنا ءوتىنىم بەرگەن. ول وسى نوميناسياداعى بارلىق جەتى رەكوردتى جاڭارتۋعا شەشىم شىعارعان. بيىل ساۋىردە ەكى جاتتىقتىرۋشىنىڭ قاتىسۋىمەن جانە فوتو، ۆيدەوعا ءتۇسىرىپ، ورىنداعان. ۆيدەو مەن قاجەت قۇجاتتاردى جىبەرگەن رۋسلان التى ايعا جۋىق ۋاقىت جاۋاپ كۇتكەن. جاقىندا ونىڭ بەس رەكورد جاڭارتقانى راستالدى. بۇل – ءوز سالماعىمەن مينۋتىنا + 45 كگ، مينۋتىنا 31 رەت +27 كگ، مينۋتىنا 39 رەت +18 كگ، كەرى 35 رەت +18 كگ تارتىلۋ. تاعى ەكى كاتەگوريا بويىنشا ازىرگە ناتيجە جوق.
«گيننەستىڭ رەكوردتار كىتابىنا ەنگەنىمە قۋانىشتىمىن. ەكى كاتەگوريا بويىنشا ماعان قوسىمشا قۇجات جىبەرۋىمدى سۇرادى، مەن ءالى جاۋاپ المادىم. رەكورد ورناتامىن دەپ ويلايمىن. ءقازىر رەسەيدە وقيمىن. شەت تىلدەرىن ۇيرەنەمىن، جاتتىعۋ جاسايمىن. بولاشاقتا جاتتىعۋ مەن ستريتليفتينگ سەكسياسىن اشىپ، بىلىمىممەن، تاجىريبەممەن بولىسكىم كەلەدى»، - دەدى رۋسلان فاتاحوۆ.