جاس سپورتشى ايان مولداعالييەۆ نەبارى 22 جاستا ەدى.
بۇل تۋرالى قوستاناي وبلىستىق سپورت باسقارماسى ءمالىم ەتتى، دەپ حابارلايدى Almaty-akshamy.kz
«التىنشى ماۋسىم كۇنى سپورتتىق گيمناستيكادان قازاقستان رەسپۋبليكاسىنىڭ سپورت شەبەرى ايان مولداعالييەۆتىڭ ومىردەن وتكەنىن وكىنىشپەن حابارلايمىز. ول اتاقتى سپورتشى بولدى جانە مانسابىندا ايتارلىقتاي جەتىستىكتەرگە جەتتى. ايان 2007 جىلدان باستاپ جارىستارعا قاتىسىپ، ەلىمىزدىڭ بىرنەشە دۇركىن چەمپيونى اتاندى. ول حالىقارالىق تۋرنيرلەردە دە جەڭىسكە جەتىپ، ءوزىنىڭ جوعارى كاسىبي دەڭگەيىن دالەلدەدى. ايان ۇلتتىق قۇرامانىڭ مۇشەسى اتانىپ، ەلدەگى سپورتتىق گيمناستيكا تاريحىندا وشپەس ءىز قالدىردى»، - دەلىنگەن حابارلامادا.
ايان مولداعالييەۆ 2018 جىلى ارگەنتينا استاناسى بۋەنوس-ايرەستە وتكەن جاسوسپىرىمدەر وليمپياداسىنا قاتىسىپ، التىنشى ورىننان كورىندى.
سونداي-اق سول جىلى يندونەزيادا وتكەن جاستار اراسىنداعى ازيا چەمپيوناتىنىڭ قولا جۇلدەسىن جەڭىپ العان.
جاقىندارى مەن تۋىستارى جاس سپورتشىنى بۇگىن ماڭگىلىك ساپارعا شىعارىپ سالادى. ازىرگە، گيمناستىڭ مەزگىلسىز دۇنيەدەن وتۋىنە نە سەبەپ بولعانى ايتىلعان جوق.