ءدارى جۇزىمنەن الىنعان ورگانيكالىق قوسىلىستارعا نەگىزدەلگەن
كۇندەلىكتى كۇيزەلىس، زياندى ادەتتەر مەن اۋانىڭ لاستانۋى – وسىنىڭ ءبارى اعزادا بوس راديكالداردىڭ پايدا بولۋىنا اكەلەدى. ال بوس راديكالدار ساۋ جاسۋشالارعا شابۋىل جاسايدى. عالىمداردىڭ ايتۋىنشا، قارتايۋدىڭ نەگىزگى سەبەبى وسى. الايدا بۇل ءۇردىستى تەجەيتىن تابيعي ءونىم تابىلدى، دەپ حابارلايدى Almaty-akshamy.kz 24.kz سايتىنا سىلتەمە جاساپ.
ول وسىمدىكتەردە كوپ كەزدەسەتىن – پوليفەنول.
«جەرورتا تەڭىزى قۇبىلىسى» دەپ اتالاتىن زەرتتەۋ ناتيجەلەرى جاريالانعان كەزدە بۇكىل الەم پوليفەنولمەن، سونىڭ ىشىندە جۇزىممەن اينالىسا باستادى. ويتكەنى سول كەزدە پوليفەنولداردى كوپ تۇتىناتىن ادامداردا ينفاركت پەن ينسۋلت سانى كۇرت تومەندەگەنى انىقتالدى»، - دەيدى ءومىر تۋرالى ڭىلىم ورتالىعىنىڭ جەتەكشى عىلىمي قىزمەتكەرى الەكساندر گۋليايەۆ.
قازاقستاندىق عالىمدار پوليفەنولداردى جانە ولاردىڭ اعزاعا اسەرىن 10 جىل بويى زەرتتەدى. ناتيجەسىندە، كەيبىر اۋرۋلاردىڭ الدىن الاتىن بىرەگەي وتاندىق ءونىمدى جاساپ شىعاردى. اتاپ ايتساق، سۇيەكتىڭ سىنعىشتىعى، سالماق جيناۋ مەن جوعارى قان قىسىمىمەن كۇرەستە پوليفەنول ءتيىمدى ەكەنى انىقتالدى. عالىمدار ءجۇزىمنىڭ قۇرامىنداعى پوليفەنولدار تابيعي وزگەرىستەردى تەجەيدى دەگەن تۇجىرىمعا كەلدى.
«ءبىز ءجۇزىمنىڭ ءارتۇرلى سورتتارىن سىناپ كوردىك. سوسىن بىزگە قاجەت پوليفەنولداردىڭ مولشەرى بار ەكى سورت تاڭدالدى. بۇل وتاندىق سەلەكسيانىڭ ساپەراۆي جانە كابەرنە-سوۆينون سورتتارى. ولار – ەلىمىزدىڭ وڭتۇستىگىندەگى كوپجىلدىق قازاقستاندىق سەلەكسيا»، - دەيدى ءومىر تۋرالى عىلىمدار ورتالىعىنىڭ جەتەكشى عىلىمي قىزمەتكەرى الەكساندر گۋليايەۆ.
زەرتتەۋشىلەردىڭ ايتۋىنشا، جۇزىمنەن جاسالعان ءونىم ۇلكەن، كىشى بولسىن بارىنە كەلەدى. تەك اللەرگياسى بار، جەدەل رەسپيراتورلىق اۋرۋلارى بار، اياعى اۋىر جانە بالا ەمىزەتىن ايەلدەرگە عانا شەكتەۋ بار. 2018 جىلى پرەپاراتتى وندىرۋشىلەر عىلىم قورىنان گرانت ۇتىپ العان. ال ءۇش جىلدان كەيىن جەزقازعاندا ادام جاسىن ۇزارتاتىن «ءجۇزىم ەليكسيرى» جاسالا باستادى.
«اقپان ايىنىڭ سوڭىندا وسى گرانتتى قارجىلاندىرۋدى تولىق اياقتايمىز. ءبىز نەگىزگى باعىتتاردىڭ ءبارىن قامتىدىق. مىسالى، زاۋىت اشىلدى، ءوندىرىس جۇمىس ىستەيدى، العاشقى ساتىلىمدار باستالدى. تيىسىنشە، جوبا ءساتتى شىقتى دەۋگە بولادى»، - «عىلىم قورى» اق باسقارما ءتوراعاسى ارىن ورسارييەۆ.
عالىمدار «جۇزىمنەن جاسالعان» ءونىم ءدارى ەمەس، تەك ەمدەۋ كەزىندەگى كومەكشى قۇرال دەپ ەسكەرتەدى. ءبىراق كوپ ۇزاماي ول مەديسينالىق ورتالىقتارعا دا جەتكىزىلەدى. ال بولاشاقتا پوليفەنولداردى كوسمەتولوگياعا ەنگىزۋ جوسپارلاپ وتىر. وتاندىق عالىمداردىڭ جوباسىنا رەسەي مەن قىرعىزستان تاراپىنان قىزىعۋشىلىق بار.