18 جاستاعى دانيل انكۋدينوۆ - قاراعاندى تۋماسى
قازاقستان جاسوسپىرىمدەر قۇراماسىنىڭ شابۋىلشىسى دانيل انكۋدينوۆ مولداۆيالىق «شەريف» فۋتبول كلۋبىمەن كەلىسىمشارتقا قول قويدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
18 جاستاعى دانيل انكۋدينوۆ - قاراعاندى تۋماسى. فۋتبولدى تۋعان قالاسىندا ويناي باستاعان. سودان كەيىن يسپانياعا شاقىرتۋ الىپ، «مارسەت» پەن «كاسابلانكا» كلۋبتارىندا ويناعان. سوڭعى جارتى جىلدا «رودينا» فك (ماسكەۋ) ەكىنشى كومانداسى ءۇشىن وينادى.
فۋتبولشى مولداۆيالىق «شەريف» فك-نا ىرىكتەۋدەن ءوتىپ، قارسىلاستارىنىڭ قاقپاسىنا ەكى رەت سوققى بەردى.
«مەن كەلىسىمشارتقا قول قويعانىما وتە قۋانىشتىمىن. ماعان وسى ۇلكەن وتباسىنىڭ مۇشەسى بولۋعا رۇقسات بەرگەندەرىڭىز ءۇشىن راحمەت!» - دەپ جازدى دانيل انكۋدينوۆ Instagram-پاراقشاسىندا.
«شەريف» فك 2021 جىلعى الەمنىڭ ۇزدىك كلۋبتارىنىڭ رەيتينگىندە «ينتەر» مەن «بارسەلونانى» باسىپ وزدى جانە 28ء-شى ورىندا تۇر.
وتكەن جىلدىڭ كۇزىندە ۇجىم چەمپيوندار ليگاسى ءتۋرنيرىنىڭ توپتىق كەزەڭىنە قاتىستى. كلۋب مادريدتىك «رەالدى» جەڭدى. ناتيجەسىندە كوماندا توپتا 3ء-شى ورىن الىپ، ەۋروپا ليگاسىنا كىردى.