جەرلەسىمىز گرەكياداعى تۋرنيردە جەڭىمپاز اتاندى
قازاقستاندىق جانتورە سانجار ۇلى 12 جاسقا دەيىنگىلەر اراسىندا گرەكيادا وتكەن ەكىنشى ساناتتاعى Tennis Europe تۋرنيرىندە جەڭىمپاز اتاندى، دەپ حابارلايدى Almaty-akshamy.kz.
قازاقستان تەننيس فەدەراسياسىنان ءمالىم ەتكەنىندەي، جانتورە كيپرلىك ميحاەل گينەتلۋمەن بىرگە جۇپتىق سىندا فينالدا ناميبيالىق يسراەل دوۆە - گرەكيالىق رافاەل پاگونيستى جەڭدى - 7:6، 6:3.
جەكەلەي سىندا دا فينالعا جەتكەن ج.سانجار ۇلى سوڭعى باسەكەدە اۋستريالىق موريس فرەيتاگقا جول بەردى - 1:6، 2:6.
تاعى ءبىر قازاقستاندىق ەۆا كورىشيەۆا يسپانيادا رافاەل نادال اكادەمياسىندا 14 جاسقا دەيىنگىلەر اراسىندا ءۇشىنشى ساناتتاعى وسىنداي جارىستا جۇپتىق سىندا فينالعا دەيىن جەتتى. ول شۆەيساريا وكىلى لۋانا كاپپەلمەن بىرگە تيتۋل ءۇشىن باسەكەدە اسا تارتىستى ماچتا يتاليالىق كوستانسا ريكون - اۋستراليالىق ەلەن حيرشيگە ەسە جىبەردى - 6:1، 3:6، 8:10.