بۇل تۋرالى ق ر پرەمەر-مينيسترىنىڭ ورىنباسارى ەرالى توعجانوۆ ايتتى.
الەمنىڭ 43 ەلى QazVac ۆاكسيناسىن الۋعا دايىن، دەپ حابارلايدى Almaty-akshamy.kz
«قازاقستاندىق عالىمداردىڭ كۇمانسىز تابىسى بيولوگيالىق قاۋىپسىزدىك ماسەلەلەردى جونىندەگى عىلىمي-زەرتتەۋ ينستيتۋتىنىڭ كوروناۆيرۋسقا قارسى QazVac ۆاكسيناسىن ازىرلەۋى بولدى. ءبىز بۇگىندە ودان ارى ىلگەرىلەپ كەلەمىز. قازىرگى ۋاقىتتا BSL-3، BSL-4 قۇرىلىسى جۇرگىزىلىپ جاتىر. بۇل رەتتە ءبىلىم جانە عىلىم مينيسترلىگىنىڭ ءرولى دە زور»، - دەدى ۇكىمەت باسشىسىنىڭ ورىنباسارى ءبىلىم جانە عىلىم مينيسترلىگىنىڭ كەڭەيتىلگەن القا وتىرىسىندا.
ۆيسە-پرەمەر مۇنان ارى دا بىرلەسكەن جۇمىستىڭ جالعاساتىنىن باسا ايتتى.
«ەلدىڭ اتىن شىعارعان ۇلكەن جوبا بولعانىن ءبارىڭىز جاقسى بىلەسىزدەر دەپ ويلايمىن. التى مەملەكەتتىڭ ىشىنەن بەسىنشى بولىپ قازاقستان ءوزىنىڭ ۆاكسيناسىن شىعارعان ەلگە اينالدى. سوندىقتان بۇل - ۇلكەن جەتىستىك. عالىمداردىڭ بارىنە راقمەتىمىزدى ايتامىز. ارى قاراي دا جۇمىس كوپ. بىرگە جالعاستىرۋىمىز كەرەك. ولاردىڭ الدىنا قويىلعان تاپسىرما دا بولەك. ءقازىر 43 مەملەكەت ءبىزدىڭ ۆاكسينامىزدى الۋعا دايىن ەكەندىگىن ءبىلدىرىپ وتىر»، - دەدى ەرالى توعجانوۆ.