ەۋروپا مەن اقش-تا ۇلتتىق ۇلگىدەگى كيىمدەرگە تاپسىرىس بەرۋشىلەر كوپ
اقتوبەلىك ديزاينەر ماليكا دۇيسەنبايەۆا «قازاقستاننىڭ 100 جاڭا ەسىمى» جوباسىندا مادەنيەت جانە سپورت اتالىمى بويىنشا جەڭىمپاز اتاندى، دەپ حابارلايدى Almaty-akshamy.kz
ۇلتتىق ستيلدەگى كيىم ديزاينەرى ءارى ون ساۋساعىنان ونەر توگىلگەن تىگىنشى وسى جالپىۇلتتىق جوبادا ب ا ق سىناماس بۇرىن قازاقتىڭ ءويۋلى-ساندى ۇلتتىق كيىمدەرىن الەمدىك ساحنالاردا تانىستىرىپ، بىرنەشە رەت رەسپۋبليكالىق، حالىقارالىق ءسان بايقاۋلارىنىڭ جۇلدەگەرى اتانعان. ماليكانىڭ قولىنان شىققان بويجەتكەندەرگە ارنالعان ۇلتتىق ناقىشتاعى زاماناۋي ديزاينمەن قابىسقان ادەمى كويلەكتەر الەمگە جاقسى تاراپ جاتىر،
بۇگىندە ەۋروپا ەلدەرىندە، اقش-تا تۇراتىن قازاقتار ماليكاعا ءجيى تاپسىرىس بەرەدى.
«ءبىزدىڭ قىزدار ءبىرىن-بىرى قايتالامايتىن، ءساندى جانە ساپالى، بىرەگەي بۇيىم جاساۋعا تىرىسادى. بويجەتكەندەر كويلەگىنىڭ ماتاسى مەن ءجىبىنەن باستاپ، ءپىشۋى مەن تىگۋىنە ەرەكشە ءمان بەرەمىز. بىرەگەي بۇيىمدى جاساۋ ۋاقىت پەن ەرەكشە تالعامدى قاجەت ەتەدى. سول ءۇشىن دە ۇلتتىق كيىمنىڭ اجارىن ەرەكشە اشاتىن ويۋ-ورنەكتەرىنە وتە مۇقيات قارايمىز دەگەننەن گورى، فيلوسوفيالىق تۇرعىدان قارايمىز دەسەم، ارتىق ايتقاندىق ەمەس. ءبىز ۇلتتىق ويۋ-ورنەكتەرىمىزدىڭ ەجەلدەگى قولدانىس اياسىن، تابيعاتىن زەرتتەپ بارىپ قانا ىسكە كىرىسەمىز»، - دەيدى شەبەر.
قازاقتىڭ ويۋ-ورنەكتەرىن كيىمدەرگە قولدانۋ ۇلكەن تالعامدى قاجەت ەتەدى. سول ءۇشىن دە ماليكا قىتايعا بىرنەشە رەت بارىپ، قازاقتار تىعىز قونىستانعان ولكەلەردەگى ءىسمەرلەردەن شەبەرلىك ساباقتارىن ۇيرەنىپ كەلەدى. ويتكەنى، وكىنىشكە قاراي، ءبىز الدەقاشان ۇمىتقان ۇلتتىق مۇرالارىمىزدى، ءداستۇرىمىزدى ۇزبەي جالعاستىرىپ كەلە جاتقان كىسىلەر ول جاقتا كوپ.
ماليكا ءقازىر وڭىرلەردى ارالاپ، كيىم ديزاينى جونىندە سەمينارلار وتكىزىپ ءجۇر. سەبەبى نارىققا ۇلتتىق كيىمدەر ۇلگىسىن ۇسىنۋ – ءبىر جاعىنان ونەر بولسا، ەكىنشى جاعىنان – بيزنەس. كيىمدى تىگە بىلۋمەن قاتار، ونى وتكىزە ءبىلۋ دە ۇلكەن شەبەرلىك پەن تىنىمسىز ەڭبەكتى قاجەت ەتەدى.
بۇگىندە نۇر-سۇلتان، اقتوبە، قىزىلوردا قالالارىندا ماليكانىڭ ۇلتتىق كيىم ورتالىقتارى اشىلعان. وعان قوسا، پاندەميا كەزىندە تىگىنءشىلىكءتىڭ ونلاين مەكتەبىن اشتى. ۇنەمى تىنىمسىز ىزدەنىستە جۇرەتىن ول ءبىر كاءسىپءتىڭ قىر-سىرىن تەرەڭ مەڭگەرۋ ءتوءزىمدىلىك پەن ۋاقىتتى قاجەت ەتەتىنىن ايتادى.
ماليكا دۇيسەنبايەۆانىڭ ويىنشا، قازاقتىڭ بىرنەشە مىڭ جىلدان بەرى جالعاسىپ كەلە جاتقان ۇلتتىق كيىمدەرى پاراقتارى تۇتاس اشىلماعان وقۋلىق ءتارىزدى. ول بولاشاق ۇرپاق اتا-بابالارىنىڭ، اتا-اجەلەرىنىڭ ۇلتتىق كيىمدەرىن بىزگە قاراعاندا تەرەڭىرەك باعالايدى دەگەن سەنىمدە.