قازاقستاندىق ازامات ىشكى ىستەر مينيسترلىگىنە ينتەرنەت پەن قوعامدا ءدىني راديكاليزم ماسەلەسىنە نازار اۋدارۋدى سۇراپ، پەتيسيا جولدادى، - دەپ حابارلايدى اqshamnews.kz ءتىلشىسى.
ونىڭ ايتۋىنشا، بۇل جەردە ءدىننىڭ وزىنە ەمەس، مەملەكەتىمىزدىڭ زايىرلى قۇرىلىمىنا، ايەلدەردىڭ قۇقىعىنا، جاستار مەن قوعام قاۋىپسىزدىگىنە ءقاۋىپ توندىرەتىن راديكال كوزقاراس جايلى ءسوز بولىپ وتىر.
پەتيسيا اۆتورى قازاقستاندىقتاردى وسى ماسەلەگە قاتىستى ناقتى مىسالدار جىبەرۋگە شاقىرادى: سىلتەمەلەر، سكرينشوتتار، جازبالار، ياعني پروبلەمانىڭ بار ەكەنىن دالەلدەيتىن كەز كەلگەن ماتەريال قاجەت. ءقازىر ول epetition.kz پلاتفورماسىندا پەتيسيانى جاريالاۋ ءۇشىن 50 قول جيناۋعا ءتيىس.
"كەيبىرەۋلەر مەنى يسلامعا قارسى دەپ ويلايدى. بۇل ولاي ەمەس. مەن راديكاليزمگە، بىرەۋگە ءوز كوزقاراسىن كۇشتەپ تاڭۋعا، قالاي ءومىر ءسۇرۋ كەرەگىن، نە ءىشۋ، نە كورۋ كەرەگىن ايتۋعا قارسىمىن. ءبىز زايىرلى ەلدە ءومىر ءسۇرىپ جاتىرمىز، ءار ادامنىڭ تاڭداۋ ەركىندىگى مەن ار-وجدان بوستاندىعىنا قۇقىعى بار"، – دەيدى ول.
پەتيسيا اۆتورىنا پىكىر جازعاندار وعان قولداۋ ءبىلدىرىپ جاتىر.
بۇل پەتيسيا قوعامدا ۇلكەن تالقىلاۋ تۋدىرعان وقيعالار اياسىندا پايدا بولدى. بۇعان دەيىن ءبىر بويجەتكەن مەشىتتە ەر ادامنىڭ وعان ۋاقىتشا نەكە ۇسىنعانىن ايتىپ، ونىڭ جىنىستىق قاتىناسقا ءتۇسۋ نيەتى بولعانىن جاريالاعان ەدى. بۇل جاعدايدى كوپشىلىك تالقىلاپ، كەيىن قىزدىڭ ءوزىن ايىپتاعاندار تابىلىپ، ونىڭ جالعىز ءجۇرۋىن كۇنا ساناپ، اسىرە دىنشىلدەر تاراپىنان سىنعا ۇشىراعان.