ولار جاۋىنگەرلىك جانە كاسىبي داعدىلاردى يگەرىپ جاتىر.
دەسانتتىق-شابۋىلداۋ اسكەرلەرىنىڭ وقۋ پوليگوندارىندا قارقىندى جاۋىنگەرلىك دايىندىق وتۋدە. بولىمشەلەردىڭ، ەكيپاجداردىڭ جانە ەسەپتوپتاردىڭ ۇيلەسۋ پروسەسى اياقتالعاننان كەيىن بولىمشەلەر شتاتتىق قارۋ-جاراقتان پراكتيكالىق جاۋىنگەرلىك اتىسقا كىرىستى، دەپ حابارلايدى Almaty-akshamy.kz.
قورعانىس مينيسترلىگىنىڭ باسپا ءسوز قىزمەتىنىڭ مالىمەتى بويىنشا، 2022 جىلدىڭ كوكتەمىندە شاقىرىلعان مەرزىمدى قىزمەتتەگى اسكەري قىزمەتشىلەر بولىمشەلەرگە كەلگەننەن كەيىن ءبىر اي ىشىندە ماماندىق بويىنشا دايارلىقتان ءوتىپ، وزدەرىنە سەنىپ تاپسىرىلعان قارۋ-جاراق پەن اسكەري تەحنيكانى زەردەلەيدى. سودان كەيىن بولىمشەلەردىڭ جاۋىنگەرلىك اتىستارى جۇرگىزىلەتىن دايارلىقتىڭ كەلەسى كەزەڭىنە ءوتتى.
«ءبىز كەز كەلگەن ۇرىس جاعدايىنا بەيىمدەلۋىمىز كەرەك. جاۋىنگەرلىك جانە كاسىبي داعدىلاردى يگەرۋمەن قاتار، وق اتۋ دا ءبىزدى جاۋاپكەرشىلىككە تاربيەلەيدى جانە مورالدى تۇرعىدا شىڭدايدى»، – دەپ اتاپ ءوتتى 61993 اسكەري ءبولىمىنىڭ پۋلەمەتشىسى ەلدوس قويشىبايەۆ.
قىزمەتتىڭ العاشقى كەزەڭىندە باتالونداردىڭ قورعانىستاعى، شابۋىلداعى، مارشتاعى، بولىمشەلەردىڭ ەلدى مەكەندەردە جاۋىنگەرلىك ءىس-قيمىلداردى جۇرگىزۋ سياقتى نەگىزگى تاقىرىپتار بويىنشا جاۋىنگەرلىك اتىستارى پىسىقتالدى.
باستى ماقسات – جەكە قۇرامنىڭ كۇندىز جانە تۇندە جاۋىنگەرلىك احۋالدىڭ كۇردەلى جاعدايلارىندا جەكە جانە توپتىق قارۋدى قولدانۋ بىلىگىن تەكسەرۋ، سونداي-اق زاڭسىز قارۋلى قۇرامالارعا قارسى بەلسەندى جانە ۇيلەسىمدى ءىس-قيمىلدار جۇرگىزۋ.