قازاقستاندىق بوكسشى نۇربەك مۇرسال ءۇندىستاننىڭ دەلي قالاسىندا وتكەن World Boxing ۇيىمىنىڭ الەم كۋبوگىنىڭ فينالدىق كەزەڭىندە كۇمىس جۇلدەگە يە بولدى، - دەپ حابارلايدى اqshamnews.kz ءتىلشىسى.
نۇربەك مۇرسال 70 كەلىگە دەيىنگى سالماق دارەجەسىندە فينالعا دەيىن جەتكەن. شەشۋشى جەكپە-جەكتە ول ءۇندىستاندىق حيتەشكە قارسى شىقتى. ءۇش راۋند قورىتىندىسى بويىنشا تورەشىلەر جەڭىستى قارسىلاسىنا بەرىپ، قازاقستاندىق بوكسشى ءتۋرنيردى كۇمىس مەدالمەن اياقتادى.
سونداي-اق قازاقستان قۇراماسى دەلي تورىندە تاعى ءبىر التىن جۇلدە ەنشىلەدى. 85 كەلىگە دەيىنگى سالماقتا ونەر كورسەتكەن سۇلتانبەك ايبار ۇلى فينالدا وزبەكستان بوكسشىسى جاسۋربەك يۋلدوشيەۆتەن باسىم ءتۇسىپ، ەل قورجىنىنا “التىن” سالدى.
ايتا كەتەيىك، دەلي قالاسىنداعى فينالدىق كەزەڭدە قازاقستان قۇراماسى ءبىر التىن، ءبىر كۇمىس جانە بىرنەشە قولا مەدال جەڭىپ الىپ، ماۋسىمدى جۇلدەمەن تۇيىندەدى.