قازاقستاندىق بالۋان يۋسۋف ماسييەۆ بولگاريا استاناسى سوفيادا 20 جاسقا دەيىنگىلەر اراسىندا الەم چەمپيوناتىنىڭ كۇمىس جۇلدەگەرى اتاندى، دەپ حابارلايدى Almaty-akshamy.kz.
قازاقستان كۇرەس فەدەراسياسىنىڭ سايتىنان الىنعان مالىمەتكە قاراعاندا، يۋسۋف ماسييەۆ گرەك-ريم كۇرەسىنەن 97 كەلىگە دەيىنگى سالماقتا فينالعا دەيىن ەركىن جەتىپ، سوڭعى بەلدەسۋدە يراندىق الي رامەزانالي ابەديدارزيمەن بەلدەسىپ، ەسە جىبەردى.
تاعى ءبىر قازاقستاندىق بالۋان دىن-مۇحامەد قوشقار 67 كەلىگە دەيىنگى سالماقتا قولا جۇلدەگە يە بولدى.
بۇدان بۇرىن گرەك-ريم كۇرەسىنەن ماقسات سايلاۋ 87 كەلىگە دەيىنگى سالماقتا ءۇشىنشى ورىننان كورىنگەن ەدى. ول قولا جۇلدە ءۇشىن باسەكەدە ۋكراينالىق ميكيتا الەكسەيەۆتەن باسىم ءتۇستى.
ەسكە سالا كەتەيىك، بۇدان بۇرىن قوس قازاقستاندىق بالۋاننىڭ جاستار اراسىندا الەم چەمپيوناتىنىڭ كۇمىس جۇلدەگەرى اتانعانىن جازعان بولاتىنبىز.