وقۋ-اعارتۋ ءمينيسترى جۇلدىز سۇلەيمەنوۆا دەپۋتاتتاردىڭ بالالار مەن جاسوسپىرىمدەردىڭ الەۋمەتتىك جەلىگە قولجەتىمدىلىگىن شەكتەۋ تۋرالى ۇسىنىسىنا قاتىستى پىكىر ءبىلدىردى. بۇل تۋرالى ول ۇكىمەتتەگى بريفينگتە ايتىپ، ماسەلەنى ءقازىر مينيسترلىك دەڭگەيىندە زەردەلەپ جاتقانىن مالىمدەدى، دەپ حابارلايدى اqshamnews.kz ءتىلشىسى.
ءمينيستردىڭ ايتۋىنشا، ۆەدومستۆودا ارنايى جۇمىس توبى قۇرىلعان، ال باستى ماقسات – بالالاردى قۇقىققا قايشى كونتەنتتەن قورعاۋ. ول بۇل تاجىريبەنىڭ ءبىرقاتار ەلدەردە قولدانىلىپ جۇرگەنىن اتاپ ءوتتى.
«ءقازىر شەكتەۋ ماسەلەسىن قاراستىرىپ جاتىرمىز، بىرنەشە ۇسىنىس بار. جۇمىس توبى قۇرىلدى. بالالاردى قۇقىققا قايشى كونتەنتتەن قورعاعىمىز كەلەدى. بۇل ماسەلە اشىق تۇردە قوعاممەن، سونىڭ ىشىندە اتا-انالارمەن، پەداگوگتەرمەن جانە ب ا ق وكىلدەرىمەن تالقىلانادى»، – دەدى جۇلدىز سۇلەيمەنوۆا.
مينيسترلىك قاراستىرىپ وتىرعان ىقتيمال شارالار رەتىندە مىنالاردى اتادى:
-
بالالارعا ارنالعان SIM-كارتالاردى تىركەۋ – قولجەتىمدىلىكتى باقىلاۋدىڭ العاشقى قادامى؛
-
14 جاسقا دەيىنگى بالالار تۇتىناتىن كونتەنتتى مونيتورينگتەۋ – قۇقىققا قايشى ماتەريالداردى انىقتاپ، بۇعاتتاۋ ءۇشىن؛
-
مەكتەپتەردە سيفرلىق جانە مەدياساۋاتتىلىقتى كۇشەيتۋ – ينتەرنەت پەن الەۋمەتتىك جەلىلەردى ءقاۋىپسىز پايدالانۋدى ءتۇسىندىرۋ.
سۇلەيمەنوۆانىڭ ايتۋىنشا، باستاما ازىرگە تالقىلاۋ كەزەڭىندە، ناقتى شەشىم قابىلدانباعان. جۇمىس توبىنىڭ العاشقى وتىرىسى وتكەننەن كەيىن قوسىمشا اقپارات جاريالاناتىنى ايتىلدى.
ەسكە سالايىق، جەلتوقسان ايىندا قازاقستاندا ونلاين-پلاتفورمالاردا 16 جاسقا دەيىنگى پايدالانۋشىلاردىڭ تىركەلۋىنە تىيىم ەنگىزۋدى كوزدەيتىن زاڭ جوباسى دايىندالعانى حابارلانعان. قۇجاتتى مادەنيەت جانە اقپارات مينيسترلىگى ازىرلەگەن، كەيىن بۇل شەكتەۋ الەۋمەتتىك جەلىلەردەگى تىركەۋگە قاتىستى بولاتىنى ناقتىلانعان بولاتىن.