ۇكىمەت وزگەدە نارىقتاردى يگەرۋدى كوزدەپ وتىر.
قازاقستاندا شىعارىلاتىن بال ساۋد ارابياسىنىڭ تۇتىنۋشىلارىنا جەتەتىن بولدى. بيىل بال وندىرەتىن جانە ءوز ونىمدەرىن ساۋد ارابياسى كورولدىگىنە ەكسپورتتاۋعا دايىن قازاقستاندىق 10 كاسىپورىن اتالمىش ەلدىڭ ءتيىستى رەەسترىنە ەنگىزىلدى، دەپ حابارلايدى Almaty-akshamy.kz.
«جىل باسىنان بەرى مال شارۋاشىلىعى ونىمدەرىن جەتكىزۋگە قۇقىعى بار 4 كاسىپورىن، ءسۇت ونىمدەرىن سىرتقا شىعارۋعا ءازىر 3 كاسىپورىن، بالىق جانە بالىق ونىمدەرىن ساقتايتىن، قايتا وڭدەپ، وتكىزەتىن 1 كاسىپورىن قىتايدىڭ باس كەدەن باسقارماسىنىڭ تىزىمىنە ەنگىزىلدى. ۆەتەريناريالىق باقىلاۋ جانە قاداعالاۋ كوميتەتىنىڭ تۇركيا تاراپىمەن جۇرگىزگەن جەمىستى جۇمىستارىنىڭ ناتيجەسىندە وسى ەلدىڭ تىزىمىنە تەرىنى ەكسپورتتاۋعا قۇقىعى بار 4 كاسىپورىن ەنگىزىلدى»،– دەلىنگەن اۋىل شارۋاشىلىع مينيسترلىگىنىڭ باسپا ءسوز قىزمەتىنىڭ حابارلاماسىندا.
مينيسترلىكتىڭ 2021 جىلعى جوسپارىندا وسى نارىقتارعا شىعاراتىن تاۋار تۇرلەرىن كوبەيتۋدى جالعاستىرۋ، سونداي-اق ەۋروپالىق وداقتىڭ، تۇركيانىڭ جانە وڭتۇستىك-شىعىس ازيا ەلدەرىنىڭ جاڭا نارىعىن يگەرۋ كوزدەلىپ وتىر.