ول اتالعان قاشىقتىقتى 27:35.44 كورسەتكىشىمەن باعىندىردى
جەڭىل اتلەتيكادان قازاقستان كومانداسى كۋۆەيتتە 18 جاسقا دەيىنگى سپورتشىلار اراسىندا ءوتىپ جاتقان ازيا چەمپيوناتىندا العاشقى التىن مەدالىنە قول جەتكىزدى، دەپ حابارلايدى Almaty-akshamy.kz.
فەدەراسيانىڭ رەسمي پاراقشاسىندا حابارلانعانداي، ەل قورجىنىنا باس جۇلدەنى ءبىرىنشى بولىپ سابرينا ارزييەۆا سىيلادى.
ناقتىراق ايتساق، ارزييەۆا سپورتتىق جاياۋ جۇرىستە 5000 مەترگە جارىسۋدان الدىنا جان سالمادى.
ول اتالعان قاشىقتىقتى 27:35.44 كورسەتكىشىمەن باعىندىردى. بۇل - قازاقستاندىق اتلەتتىڭ قۇرلىقتىق جارىستارداعى جەڭىپ العان العاشقى ءىرى جۇلدەسى.
كۋۆەيتتەگى ءال-راشادان ستاديونىندا ءوتىپ جاتقان ازيا چەمپيوناتىندا 33 مەملەكەتتەن كەلگەن 400-دەن اسا جەڭىل اتلەت سىنعا ءتۇسىپ جاتىر.
ولاردىڭ قاتارىندا 27 قازاقستاندىق سپورتشى ەل نامىسىن قورعايدى.
بۇگىن، ياعني 13 قازاندا الاۋى تۇتانعان ازيا چەمپيوناتى 16 قازان كۇنى مارەسىنە جەتەدى.