وعان 200-دەن استام اسكەري قىزمەتشى قاتىستى.
رەسەي فەدەراسياسىنىڭ اسكەري وقۋ ورىندارىندا توپوگرافيالىق ماماندىق بويىنشا ءبىلىم الىپ جاتقان قازاقستاندىق وفيسەرلەر مەن كۋرسانتتار العاش رەت «گوريزونت-2021» توپوگەودەزيالىق جانە ناۆيگاسيالىق قامتاماسىز ەتۋ بويىنشا تاكتيكالىق-ارنايى وقۋ جاتتىعۋلارىنا قاتىستى، دەپ حابارلايدى Almaty-akshamy.kz ق ر قورعانىس مينيسترلىگىنىڭ باسپا ءسوز قىزمەتىنە سىلتەمە جاساپ.
وقۋ جاتتىعۋلارى نوۆگورود وبلىسى بوروۆيچ قالاسىنداعى ەكسپەديسيالىق توپوگەودەزيالىق جاساقتىڭ وقۋ-جاتتىعۋ ورتالىعى بازاسىندا ءوتتى. وعان 200-دەن استام اسكەري قىزمەتشى قاتىستى.
قازاقستاندىق اسكەري قىزمەتشىلەر قازاقستان رەسپۋبليكاسى قارۋلى كۇشتەرى باس شتابىنىڭ گەواقپاراتتىق قامتاماسىز ەتۋ دەپارتامەنتى مەن رەسەي فەدەراسياسى قارۋلى كۇشتەرى باس شتابىنىڭ اسكەري-توپوگرافيالىق باسقارماسى اراسىنداعى ۋاعدالاستىقتار شەڭبەرىندە وقۋ-جاتتىعۋلارىنا قاتىستى.
قازاقستاندىق اسكەري قىزمەتشىلەر دالالىق جاعدايلاردا توپوگەودەزيالىق تەحنيكا مەن اسپاپتاردا جۇمىس ىستەپ، وپەراسيالاردى توپوگەودەزيالىق قامتاماسىز ەتۋدى جوسپارلاۋعا قاتىستى.اسكەري توپوگرافتار قىسقا مەرزىمدە جەرگىلىكتى جەردىڭ ارنايى كارتالارىن، فوتوجوسپارلارى مەن ماكەتتەرىن جاسادى.
قازىرگى زامانعى باعدارلامالىق-اپپاراتتىق كەشەندەردىڭ كومەگىمەن ءارتۇرلى مىندەتتەردى شەشۋ ءۇشىن اسكەرلەرگە قاجەت كارتوگرافيالىق ماتەريالداردى باسىپ شىعارۋعا دايىندىق جۇرگىزىلدى.
وقۋ-جاتتىعۋ ناتيجەلەرى بويىنشا، سونداي-اق رەسەي جوعارى اسكەري وقۋ ورىندارىنىڭ پروفەسسورلىق-وقىتۋشىلار قۇرامىمەن جانە تىڭداۋشىلارىمەن تاجىريبە الماسۋ بارىسىندا قازاقستاندىق اسكەري قىزمەتشىلەر اسكەرلەردى گەواقپاراتتىق قامتاماسىز ەتۋ مىندەتتەرىن جوسپارلاۋدى جانە ورىنداۋدى ۇيىمداستىرۋدا ءىس جۇزىندە داعدىلارعا يە بولدى.
قازاقستاندىق مامانداردىڭ جۇمىسى جوعارى باعالاندى. الداعى ۋاقىتتا دا ەلىمىزدىڭ اسكەري توپوگرافتارى وسىنداي وقۋ-جاتتىعۋلارعا تۇراقتى نەگىزدە قاتىساتىن بولادى.