ونىڭ كونكۋرستىق جۇمىسى قازاقستاننىڭ كۇرت كونتينەنتتىك كليماتىندا ۇشقىشسىز ۇشۋ اپپاراتتارىنىڭ مۇزدانۋ پروبلەماسىن شەشۋمەن بايلانىستى بولدى.
قازاقستان قورعانىس مينيسترلىگى باسپا ءسوز قىزمەتىنىڭ مالىمەتىنشە، اسكەري ءبىلىم جانە عىلىم دەپارتامەنتىنىڭ وفيسەرى، كاپيتان داۋرەن قاسەنوۆ ءبىرىنشى دارەجەلى ديپلوممەن جانە «تمد-نىڭ ۇزدىك جاس عالىمى – 2021» مەدالىمەن ماراپاتتالدى دەپ حابارلايدى Almaty-akshamy.kz
نۇر-سۇلتاندا عىلىمي حالىقارالىق كونفەرەنسيا جانە تاۋەلسىز مەملەكەتتەر دوستاستىعى عالىمدارىنىڭ «ۇزدىك جاس عالىم – 2021» حالىقارالىق كىتاپ توپتاماسىنىڭ ءۇشىنشى ءنومىرىنىڭ تۇساۋكەسەرى ءوتتى.
كاپيتان داۋرەن قاسەنوۆ جەتەكشى وتاندىق جانە شەتەلدىك عىلىمي جۋرنالداردا جاريالانعان 30-دان استام عىلىمي ماقالانىڭ اۆتورى، ءۇش كىتاپتىڭ تەڭ اۆتورى، اۆتورلىق قۇقىق وبەكتىسىنە قۇقىقتاردى مەملەكەتتىك تىركەۋ تۋرالى ءتورت كۋالىكتىڭ جانە پايدالى مودەلگە ءبىر پاتەنتتىڭ يەسى بولىپ تابىلادى.
اعىمداعى جىلى ول ق ر تۇڭعىش پرەزيدەنتى – ەلباسى اتىنداعى ۇلتتىق قورعانىس ۋنيۆەرسيتەتى عىلىمي-زەرتتەۋ توبىنىڭ قۇرامىندا وتاندىق «شاعالا» ۇشقىشسىز ۇشۋ اپپاراتىن جاساۋ بويىنشا قولدانبالى عىلىمي زەرتتەۋلەرگە قاتىستى.
اسكەري قىزمەتشى ءوز قىزمەتىندە «بۇگىن مۇمكىن ەمەس نارسە ەرتەڭ ىسكە اسىرىلۋى مۇمكىن» دەگەن ۇراندى باسشىلىققا الادى. بۇل – تەوريالىق كوسموناۆتيكانىڭ نەگىزىن قالاۋشى كونستانتين سيولكوۆسكييدىڭ ءسوزى، ول زىمىرانداردى، جاساندى سپۋتنيكتەردى، وربيتالىق ستانسيالاردى ۇشىرۋدى جانە ادامنىڭ عارىشقا شىعۋىن الدىن الا بولجاعان.