قازاقستاندىق سپورتشى سەرگەي موروزوۆ (18-5) لاس-ۆەگاستا وتكەن UFC Fight Night 216 ارالاس جەكپە-جەك تۋرنيرىندە ونەر كورسەتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
موروزوۆ امەريكالىق دجورني نيۋسونعا (10-3) قارسى شىقتى. ەڭ جەڭىل سالماقتاعى بۇل كەزدەسۋ ءۇش راۋندقا ەسەپتەلگەن بولاتىن جانە وندا تورەشىلەردىڭ ءبىراۋىزدان شەشىمىمەن قازاقستاندىق سپورتشى جەڭىسكە جەتتى.
وسىلايشا، مما-دەگى كاسىبي مانسابىندا 12ء-شى جەڭىسىنە قول جەتكىزدى. ال دجورني نيۋسون 4ء-شى رەت جەڭىلدى. UFC-دەگى جارىسقا كەلەتىن بولساق، بۇل موروزوۆتىڭ پروموۋشندەگى ءۇشىنشى جەڭىسى (ەكى رەت جەڭىلدى)، ال نيۋسون بولسا ءۇشىنشى رەت جەڭىلىس تاۋىپ وتىر (ازىرگە ول تەك ءبىر رەت قانا جەڭىسكە جەتتى. ونىڭ تاعى ءبىر كەزدەسۋى ورىندالماعان بولىپ ەسەپتەلدى).