ءانشى ەرنازار جۇبان ۋكراينانىڭ «گولوس» شوۋىندا ب ا ق سىناپ كوردى
The Weekend توبىنىڭ «Take My Breath» ءانىن ورىنداعان اتىراۋلىق جىگىتكە بەلگىلى پروديۋسەر الەكسەي پوتالەنكو (پوتاپ) بۇرىلدى.
25 جاستاعى ءانشى قاڭتارداعى تارتىپسىزدىكتەر كەزىندە جوبانىڭ ۇيىمداستىرۋشىلارىمەن بايلانىسقا شىعا الماعانىن ايتتى. باعىنا وراي، بارلىعى اياقتالعان سوڭ، كييەۆكە ۇلگەرىپ ۇشىپ كەلگەنىن اتاپ ءوتتى، دەپ حابارلايدى Almaty-akshamy.kz Elorda.info-عا سىلتەمە جاساپ.
«سوڭعى ساتتە بۇرىلعىم كەلىپ كەتتى. سەبەبى داۋىسپەن ويناپ تۇردىڭىز. بارلىعى ءمىنسىز بولدى دەي المايمىن. ءبىراق باتىلدىعىڭىز ءۇشىن بۇرىلدىم. ءبىز قازاقستاننان كەلەتىن قاتىسۋشىلاردى وتە جاقسى كورەمىز. ولار – ناعىز جاۋىنگەرلەر»، – دەدى پوتاپ ەرنازاردىڭ ونەرىنە باعا بەرۋ بارىسىندا.
ايتا كەتەيىك، ەرنازار جۇبان بىلتىر «قازاقستان داۋىسى» جوباسىنا قاتىسقان ەدى. ول ساكەن مايعازييەۆتىڭ توبىندا ونەر كورسەتتى.