ولار بولگاريا قۇراماسىن 3:1 ەسەبىمەن جەڭدى.
چەنناي قالاسىندا (ءۇندىستان) ءوتىپ جاتقان دۇنيەجۇزىلىك شاحمات وليمپياداسىندا قازاقستاننىڭ ايەلدەر قۇراماسى كەستەدە ءۇشىنشى ورىنعا كوتەرىلدى، دەپ حابارلايدى Almaty-akshamy.kz Sports.kz-كە سىلتەمە جاساپ.
بولگاريامەن بولعان كەزدەسۋدە جانسايا ابدىمالىك پەن گۇلىسحان ناحبايەۆا قازاقستانعا جەڭىس اكەلسە، ءبيبىسارا اسساۋبايەۆا مەن كسەنيا بالابايەۆا ويىندى تەڭ اياقتادى. توعىز راۋندتان كەيىن پولشا قۇراماسى كوش باستاپ تۇر، ودان كەيىن ءۇندىستان قۇراماسى كەلەدى.
ال قازاقستان ەرلەر قۇراماسى توعىزىنشى راۋندتا سەربيا قۇراماسىنان 1:3 ەسەبىمەن ۇتىلىپ قالدى. مۇرتاس قاجعالەيەۆ پەن ارىستانبەك ورازايەۆ ويىندى تەڭ اياقتاسا، رينات جۇمابايەۆ پەن الىشەر سۇلەيمەنوۆ جەڭىلدى. توعىز تۋردان كەيىن قازاقستان ەرلەر قۇراماسى 25-ورىنعا جايعاستى.