قازاقستانداعى ۆولونتەرلىك: 3 مىڭنان استام ۇيىم، 24 مىڭنان استام قاتىسۋشى بار.
2020 جىل قازاقستانداعى ەرىكتىلەر جىلى بولدى. ءبىرىڭعاي ۆولونتەرلەر پلاتفورماسىنىڭ دەرەكتەرىنە سايكەس، ەلدە 3،3 مىڭنان استام ۆولونتەرلىك ۇيىم جۇمىس ىستەيدى، ولاردىڭ قۇرامىندا 48 مىڭنان استام قاتىسۋشى بار. 2021 جىلعى 28 مامىرداعى جاعداي بويىنشا، ەرىكتىلەر 1 مىڭنان استام جوبانى ىسكە قوسىپ ۇلگەردى، ونىڭ ىشىندە 542 الەۋمەتتىك، 100 ەكولوگيالىق، 87 مادەني، 64 مەديسينالىق، 63 سپورتتىق، 45 وقيعالىق جوبالار، دەپ حابارلادى Almaty-akshamy.kz.
وڭىرلىك بولىنىستە جوبالاردىڭ باسىم بولىگى (315) استانادا ىسكە اسىرىلدى. ۆولونتەرلىك بەلسەندىلىك بويىنشا كوشباسشىلار ۇشتىگىنە الماتى (116 جوبا) جانە شىعىس قازاقستان وبلىسى (81 جوبا) كىردى. ەلىمىزدەگى بارلىق ۆولونتەرلىك جوبالاردىڭ جارتىسى ۇزدىك ءۇش ءوڭىردىڭ ۇلەسىندە.
"قازاقستانداعى ۆولونتەرلىك" ەرىكتىلەر جىلىنىڭ قورىتىندىلارى تۋرالى اقدم بايانداماسىنىڭ دەرەكتەرى بويىنشا، ەلدەگى ۆولونتەرلەردىڭ ورتاشا جاسى 20،4 جاستى قۇرادى. ۆولونتەرلىك قىزمەتكە 11 جاستان 75 جاسقا دەيىنگى ادامدار قاتىستى.
قر-دا ستۋدەنتتىك ۆولونتەرلىكتى ىنتالاندىرۋ ءۇشىن الەۋمەتتىك ستۋدەنتتىك ۆاۋچەر - ستۋدەنتتەردى الەۋمەتتىك ستۋدەنتتىك كرەديتتەر بەرە وتىرىپ، الەۋمەتتىك ينستيتۋتتار مەن مەكەمەلەردە قوعامدىق پايدالى جۇمىستى ورىنداۋعا ىنتالاندىراتىن مەحانيزم قۇرىلدى. سونىمەن، پلاتفورمادا qazvolunteer.kz 14،4 مىڭنان استام ستۋدەنت تىركەلدى. تىركەلگەن ستۋدەنتتەر سانى بويىنشا كوشباسشى ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتى بولدى: 1،2 مىڭ ستۋدەنت. توپ-3 جوو-عا س.سەيفۋللين اتىنداعى قازاق اگروتەحنيكالىق ۋنيۆەرسيتەتى جانە استانا مەديسينا ۋنيۆەرسيتەتى كىردى.
ۆولونتەرلىكتەگى ەڭ تانىمال باعىتتار - قايىرىمدىلىق ءىس-شارالارى، قاراجات پەن زاتتار جيناۋ (248 جوبا)، حالىقتىڭ الەۋمەتتىك وسال توپتارىنا كومەك كورسەتۋ (204 جوبا)، وقيعالىق جانە event-ۆولونتەرلىك (87 جوبا) بولدى.
2019 جىلعى قايىرىمدىلىق بويىنشا، ەلدەر رەيتينگىندە قازاقستان 126 ەلدىڭ اراسىندا 78ء-شى ورىندى يەلەندى. رەيتينگ دەرەكتەرى بويىنشا، ەل يندەكسى 100%-دان 26%-دى قۇرادى. يندەكس اقشالاي قايىرىمدىلىقتار، قايىرىمدىلىق كومەك كورسەتۋگە تارتىلعان ادامداردىڭ سانى (%-بەن)، ادامداردىڭ قايىرىمدىلىق جانە ۆولونتەرلىك قىزمەتكە قاتىناسى سياقتى كورسەتكىشتەردى ەسكەرە وتىرىپ ەسەپتەلدى.
تمد ەلدەرىنىڭ ىشىندە تۇركمەنستان، وزبەكستان، تاجىكستان جانە قىرعىزستان رەيتينگتە قازاقستاننان جوعارى بولدى.
رەيتينگتە اقش، ميانما جانە جاڭا زەلانديا كوش باستاپ تۇرسا، جۇڭگو تىزىمدەگى ەڭ سوڭعى ورىندا.
