قازاقستانداعى ۇيالى بايلانىس وپەراتورلارى تاريفتەردى قولدان قولدان كوتەردى دەپ كۇدىكتەلۋدە
قازاقستاننىڭ ءىرى ۇيالى بايلانىس وپەراتورلارى — Kcell، Tele2/Altel جانە Beeline — 2023 جىلدان باستاپ بايلانىس قىزمەتتەرىنىڭ تاريفتەرىن كەلىسىم بويىنشا قولدان كوتەردى دەگەن كۇدىككە ءىلىندى.
اتالعان كومپانيالار 2024 جىلدىڭ جەلتوقسان ايىنان باستاپ تاعى دا ميلليونداعان ابونەنتتەر ءۇشىن بايلانىس تاريفتەرىن ارتتىرۋدى جوسپارلاعان. وسىعان بايلانىستى ولار ەسكەرتۋ الدى. باسەكەلەستىكتى قورعاۋ جانە دامىتۋ اگەنتتىگى (بقدا) بۇل جاعدايدىڭ باسەكەلەستىك ەرەجەلەرىن بۇزعان-بۇزباعانىن انىقتاۋ ءۇشىن تەرگەۋ باستادى.
«اگەنتتىك 2024 جىلعى تاريفتەردىڭ وزگەرۋىن جان-جاقتى تالداپ، ونىڭ ناتيجەسى بويىنشا زاڭناماعا سايكەس قۇقىقتىق باعا بەرەدى»، — دەپ مالىمدەدى بقدا.
ءىس قازاقستان رەسپۋبليكاسىنىڭ كاسىپكەرلىك كودەكسىنىڭ 170-بابىنا سايكەس قارالۋدا.