وسى ماقساتتا جوبالىق كوماندا قۇرىلدى.
قازاقستاندىق ماماندار بارلىق جول جوبالارىنا حالىقارالىق ستاندارتتاردى ەنگىزۋ جۇمىسىن جۇرگىزىپ جاتىر، دەپ حابارلايدى Almaty-akshamy.kz.
«بۇل رەتتە ق ر ييدم اۆتوموبيل جولدارى كوميتەتىندە بارلىق جول جوبالارىنا حالىقارالىق ستاندارتتاردى ەنگىزۋ جۇمىسى جۇرگىزىلىپ كەلەدى. قازىرگى ۋاقىتتا قم جانە ۇەم وكىلدەرىمەن جوبالىق كوماندا قۇرىلدى. جۇمىس توبى قولدانىستاعى بيۋدجەت زاڭناماسىنا وزگەرىستەر ەنگىزۋ بويىنشا ۇسىنىستار ازىرلەۋى ءتيىس»،- دەلىنگەن يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنىڭ حابارلاماسىندا.
ۇكىمەتتىڭ كەڭەيتىلگەن وتىرىسىندا سويلەگەن سوزىندە مەملەكەت باسشىسى قاسىم-جومارت توقايەۆ قازاقستانعا اۆتوجول سالاسىنا FIDIC حالىقارالىق قاعيداتتارىن ەنگىزۋ قاجەتتىگىن اتاپ ءوتتى.
«بۇل جۇيە جول سالاسىن ءتيىمدى باسقارۋعا، بيۋدجەت قاراجاتىن ۇتىمدى پايدالانىپ، بارلىق دەڭگەيدەگى جەمقورلىق ءقاۋپىن ازايتۋعا مۇمكىندىك بەرمەك»، - دەپ جەتكىزدى پرەزيدەنت.
حالىقارالىق جوبالاردى ىسكە اسىرۋمەن اينالىساتىن ماماندار، حالىقارالىق بانك قىزمەتكەرلەرى مەن زاڭگەرلەر ءۇشىن FIDIC ۇعىمى كۇندەلىكتى جۇمىستىڭ قۇرالى بولىپ تابىلادى. الايدا، FIDIC اببريەۆياتۋراسىنىڭ ماعىناسىن جەتە تۇسىنەتىن ماماندار ءالى دە تاپشىلىق.
وسىعان وراي «بالقاش-بۋرىلبايتال» اۆتوجولى ۋچاسكەسى جوباسىنىڭ جەتەكشىسى پاك چۋن سۋن مىرزامەن اڭگىمەلەستىك. ونىڭ ايتۋىنشا، FIDIC اياسىنداعى كەلىسىمشارتتار حالىقارالىق قارجى ينستيتۋتتارى تاراپىنان جوبالاردى قارجىلاندىرۋدا قولدانىلادى. مىسالى، دۇنيەجۇزىلىك، ازيالىق نەمەسە ەۋروپالىق بانكتەرى.
«FIDIC-تە تاراپتاردىڭ كەلىسىم-شارتتار بويىنشا ءوزارا قارىم-قاتىناستارى ەگجەي-تەگجەيلى كورسەتىلگەن. تالاپ پايدا بولعان جاعدايدا قانداي شارا قولدانۋ كەرەكتىگى ءجىتى ايتىلعان. تاۋەكەلدەر مەن سىياقىلاردى ءادىل ۇلەستىرۋ بۇگە-شۇگەسىنە دەيىن جازىلعان، ءاربىر تارماق ەسكەرىلگەن»، - دەپ جەتكىزدى پاك چۋن سۋن.
ايتا كەتەرلىگى، حالىقارالىق ينجەنەر-كونسۋلتانتتار فەدەراسياسى نەمەسە قىسقاشا FIDIC 1913 جىلى قۇرىلعان بولاتىن. بۇگىنگى تاڭدا جاھاندىق ورگان الەمنىڭ 100-دەن استام ەلىندە بار. ءوز قىزمەتتەرىن ءبىر ميلليوننان استام ينجەنەرلىك مامان مەن 40 مىڭعا جۋىق فيرما ۇسىنۋدا.
سونداي-اق، پاك مىرزا حالىقارالىق تاجىريبەمەن ءبولىستى: «كورەيادا ينجەنەر-كونسۋلتانتتار قاۋىمداستىعى FIDIC بويىنشا ارنايى ءبىلىم بەرۋ باعدارلامالارىن دايىندايدى. ادەتتە ينجەنەرلىك كومپانيالار جۇمىس بەرۋشىلەر مامانداردى وقىتۋعا اقى تولەيدى. باعدارلاما ءۇش ايعا سوزىلادى، سودان كەيىن سەرتيفيكاتتار مەن ديپلومدار بەرىلەدى. ءبىراق FIDIC-كە وزگەرىستەر مەن تولىقتىرۋلار ەنگىزىلگەندىكتەن، ءسىز ۇنەمى وقىپ، ءبىلىمىڭىزدى جاڭارتىپ، جەتىلدىرىپ وتىرۋىڭىز كەرەك».
بۇگىنگى تاڭدا FIDIC كەلىسىمشارتتارى بويىنشا قازاقستاندا ءبىرقاتار اۆتوجول جوبالارى ىسكە اسىرىلۋدا. اتاپ ايتسا، «بالقاش - بۋرىلبايتال - كۇرتى - قاپشاعاي»، «قاندىاعاش - ماقات» جانە «اتىراۋ –استراحان - رف شەكاراسى» جوبالارى.
بۇل رەتتە ق ر ييدم اۆتوموبيل جولدارى كوميتەتىندە بارلىق جول جوبالارىنا حالىقارالىق ستاندارتتاردى ەنگىزۋ جۇمىسى جۇرگىزىلىپ كەلەدى. قازىرگى ۋاقىتتا قم جانە ۇەم وكىلدەرىمەن جوبالىق كوماندا قۇرىلدى. جۇمىس توبى قولدانىستاعى بيۋدجەت زاڭناماسىنا وزگەرىستەر ەنگىزۋ بويىنشا ۇسىنىستار ازىرلەۋى ءتيىس.