قازاقستانداعى جالپىۇلتتىق جوباعا ەكى مىڭعا جۋىق ۆولونتەر تارتىلادى

ۆirgemiz: Úmit جالپىۇلتتىق جوباسى ىسكە اسىرىلا باستادى.

قازاقستاندا ەرىكتىلەردىڭ ىزدەستىرۋ ءىس-شارالارىنا قاتىسۋىن كەڭەيتۋگە جانە حالىقتى توتەنشە جاعدايلاردان قورعاۋعا باعىتتالعان ۆirgemiz: Úmit جالپىۇلتتىق جوباسى ىسكە اسىرىلا باستادى، دەپ حابارلايدى Almaty-akshamy.kz Baq.kz سىلتەمە جاساپ.

الەۋمەتتىك جوبا اقپارات جانە قوعامدىق دامۋ مينيسترلىگىنىڭ قولداۋىمەن جۇزەگە اسىرىلادى، دەپ حابارلايدى ازاماتتىق باستامالاردى قولداۋ ورتالىعىنىڭ باسپا ءسوز قىزمەتى.

جوبانىڭ باستى ماقساتى – جوعالعان ادامداردى ىزدەۋ، تۇرعىندار مەن اۋماقتاردى تابيعي جانە تەحنوگەندىك سيپاتتاعى توتەنشە جاعدايلاردان قورعاۋ جونىندەگى ءىس-شارالاردى ۇيىمداستىرۋعا جانە ىسكە اسىرۋعا ەرىكتىلەردى تارتۋ.

«جوبانى ىسكە اسىرۋ بارىسىندا جوعالعان ادامداردى ىزدەۋ جونىندەگى ءىس-شارالارعا ۆولونتەرلەردى تارتۋ ءۇشىن ءبىز كونكۋرستىق نەگىزدە كەمىندە 30 شاعىن گرانتتى ۇسىنامىز. ۆولونتەرلەردى نەعۇرلىم كوپ دايىنداپ، وقىتساق، جوبانى ىسكە اسىرۋ سوعۇرلىم ءتيىمدى بولادى. ەڭ تابىستى كوماندالاردىڭ تاجىريبەسى 10 كەيس جيناعىنا كىرەدى»، - دەدى «قىزىلوردا ەرىكتىلەرى» قق اتقارۋشى ديرەكتورى ولگا چەباكوۆا.

قوعام بەلسەندىلەرى قازاقستاندىقتاردىڭ ىزدەستىرۋ، حالىقتى توتەنشە جاعدايلاردان قورعاۋ شارالارىنا قاتىسۋىن كەڭەيتۋدى جوسپارلاپ وتىر.

جوباعا كەمىندە 2 مىڭ قازاقستاندىق تارتىلماق. ولاردىڭ 50ء-ى – كۇمىس ۆولونتەر قاتارىنان بولۋى ءتيىس.

بيىل ەرىكتىلەر كينولوگيالىق قىزمەتتەرمەن ىنتىماقتاستىقتا بەلسەندى جۇمىس جۇرگىزۋگە نيەتتى. جوبانى ۇيىمداستىرۋشىلاردىڭ ايتۋىنشا، قىزمەتتىك يتتەر قۇتقارۋشىلارعا توتەنشە جاعدايلاردا ادامداردى ىزدەۋدە جانە قۇتقارۋدا ۇلكەن كومەك كورسەتەدى.

سونىمەن قاتار، جوبانى ىسكە اسىرۋ جانە ىسكە اسىرىلعان شاعىن گرانتتاردىڭ تيىمدىلىگى تۋرالى ۇسىنىمدار جينالعان تالدامالىق بايانداما دايىندالادى دەپ كۇتىلۋدە.