ازاماتتارعا ۆاكسينالاۋدىڭ بارلىق كەزەڭدەرىنەن وتكەننەن كەيىن 3 تىلدە قولجەتىمدى ەلەكتروندىق قۇجات بەرىلەدى.
قازاقستان ۇكىمەتى «ۆاكسينالاۋ پاسپورتىنىڭ» جاڭا نۇسقاسىن ۇسىندى، دەپ حابارلايدى Almaty-akshamy.kz.
«بۇگىنگى تاڭدا قازاقستان رەسپۋبليكاسىنىڭ باس مەملەكەتتىك سانيتارلىق دارىگەرىنىڭ قاۋلىسىنا وزگەرىستەر ەنگىزىلۋدە، وندا قازاقستاننىڭ سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگى قازاقستان رەسپۋبليكاسىنىڭ دەنساۋلىق ساقتاۋ مينيسترلىگىمەن بىرلەسىپ ازىرلەگەن eGov mobile موبيلدىك قوسىمشاسىنىڭ «سيفرلىق قۇجاتتار» سەرۆيسىندە ەلەكتروندىق «ۆاكسينالاۋ پاسپورتىنىڭ» جاڭا نۇسقاسى ۇسىنىلدى»، – دەلىنگەن دەنساۋلىق ساقتاۋ مينيسترلىگى باسپا ءسوز قىزمەتىنىڭ حابارلاماسىندا.
مامانداردىڭ ايتۋىنشا، ەلەكتروندىق قۇجاتتىڭ جاڭا نۇسقاسىندا تۋعان كۇنى، ءتولقۇجات ءنومىرى، QR-كود سياقتى جاڭا دەرەكتەر قوسىلدى. قۇجات يەسى سۇراۋ سالۋشى تاراپقا QR-كودتى ۇسىنا الادى، بۇل قۇجاتتىڭ زاڭدىلىعىن تەكسەرۋگە كومەكتەسەدى. كودتى سكانەرلەۋ كەزىندە پاسيەنتتىڭ ۆاكسينالاۋدان وتكەنى تۋرالى دەربەس دەرەكتەردىڭ تارالۋىن قورعاۋ ماقساتىندا انىقتاماداعى دەرەكتەر جاسىرىلعان (دەرەكتەردىڭ ءبىر بولىگى ***بەلگىلەنگەن) پاسيەنتتىڭ ۆاكسينالانۋى تۋرالى دەرەكتەرى بار بەتكە كوشۋ جۇزەگە اسىرىلادى.
قاجەت بولعان جاعدايدا ءموبيلدى قوسىمشانى پايدالانۋشىنىڭ تەلەفونداعى مەسسەندجەرلەر ارقىلى ءوزىنىڭ ەلەكتروندىق قۇجاتىمەن ءبولىسۋ مۇمكىندىگى بار.
«EGOV mobile موبيلدىك قوسىمشاسىنىڭ «سيفرلىق قۇجاتتار» سەرۆيسىندە ورنالاستىرىلعان ۆاكسيناسيالاۋدىڭ ەلەكتروندىق پاسپورتىن ۇسىنۋعا مۇمكىندىگى جوق ادامنىڭ ۆاكسيناسياسىن راستاۋ ءۇشىن مەديسينا قىزمەتكەرى مەديسينالىق ۇيىمنىڭ اقپاراتتىق جۇيەسىنەن باسىپ شىعارعان قاعاز جەتكىزگىشتەگى انىقتامانى ۇسىنۋ مۇمكىندىگى بار»، – دەپ حابارلادى ماماندار.