تۇماۋدان باسقا، ەلىمىزدە وزگە دە ۆيرۋستى ينفەكسيالار انىقتالدى.
سايلاۋ كۇنىندە كوميسسيا مۇشەلەرى بەتپەردەنى 3 ساعات سايىن الماستىرۋى كەرەك. بۇل تۋرالى بۇگىن ق ر دەنساۋلىق ساقتاۋ ۆيسە-مينيسترى – باس مەملەكەتتىك سانيتارلىق دارىگەر ايجان ەسماعامبەتوۆا ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«تۇماۋدان باسقا، ەلىمىزدە وزگە دە ۆيرۋستى ينفەكسيالار انىقتالدى. ولار: رينوۆيرۋستى، رەسۆيرۋستى، ادەنوۆيرۋستى، بوكاۆيرۋستى، مەتاپنيەۆموۆيرۋستى جانە پاراگريپپ. رەسپۋبليكامىزدا ءجىتى رەسپيراتورلىق ۆيرۋستى ينفەكسيا جانە تۇماۋمەن سىرقاتتانۋدىڭ ارتۋىن، كوروناۆيرۋس ينفەكسياسى بويىنشا جاعدايدىڭ تۇراقتى ەكەندىگىن ەسكەرە وتىرىپ، سايلاۋدى وتكىزۋ كەزىندە سايلاۋ كوميسسياسى مۇشەلەرى بەتپەردە ءتارتىبىن ساقتاۋى، ءبىر رەت قولدانىلاتىن بەتپەردەنى ءار ءۇش ساعات سايىن الماستىرۋى قاجەت»، - دەدى ۆيسە-مينيستر بۇگىن ق ر ورتالىق سايلاۋ كوميسسياسىنىڭ وتىرىسىندا.
ونىڭ اتاپ وتۋىنشە، حالىقتىڭ كوپ جينالۋىن بولدىرماۋ ءۇشىن بارىنشا كەڭ بولمەلەردى پايدالانۋ قاجەت.
«بولمەلەردى جەلدەتۋ جۇيەسى ءۇزىلىسسىز جۇمىس ىستەۋى كەرەك. ال جاساندى جەلدەتۋ جۇيەسى بولماعان جاعدايدا، ءىس-شارالاردى وتكىزۋ الدىندا بولمە اۋاسىن تازارتۋ قاجەت»، - دەدى ايجان ەسماعامبەتوۆا.