شارا ماقساتى - باسقارۋ ورگاندارىنىڭ ءوزارا ءىس-قيمىلىن جەتىلدىرۋ.
ۇجىمدىق قاۋىپسىزدىك تۋرالى شارت ۇيىمىنا مۇشە مەملەكەتتەردىڭ بارلاۋ ورگاندارى مەن بولىمشەلەرى «ىزدەۋ-2022» ارنايى وقۋ-جاتتىعۋىنا قاتىسۋدا، دەپ حابارلايدى Almaty-akshamy.kz.
بىرلەسكەن وقۋ-جاتتىعۋ جامبىل وبلىسىنداعى «ءماتىبۇلاق» جانە «گۆاردەيسك» پوليگوندارىندا ءوتىپ جاتىر.
««ىزدەۋ-2022» وقۋ-جاتتىعۋىنىڭ ماقساتى بويىنشا باسقارۋ ورگاندارى مەن كونتينگەنتتەر بولىمشەلەرى ۇقشۇ-نىڭ ۇجىمدىق قاۋىپسىزدىك وڭىرىندەگى قارۋلى قاقتىعىستى وقشاۋلاۋ ءىس-قيمىلىن پىسىقتايدى»،- دەلىنگەن قورعانىس مينيسترلىگىنىڭ باسپا ءسوز قىزمەتىنىڭ حابارلاماسىندا.
وقۋ-جاتتىعۋ بارىسىندا جەدەل ارەكەت ەتۋ ۇجىمدىق كۇشتەرىن توپتاستىرۋ جانە بىرلەسكەن وپەراسيانى دايىنداۋدا تەز وزگەرەتىن جاعدايدى ەسكەرە وتىرىپ، ۇزدىكسىز بارلاۋ جۇرگىزۋ دە ۇيىمداستىرىلدى.
ۇقشۇ-نىڭ ۇجىمدىق جەدەل ارەكەت ەتۋ كۇشتەرىنىڭ قولباسشىسى قابىلداعان شەشىمدى ورىنداۋ كەزىندە بارلاۋشىلارعا ارنايى بارلاۋ قۇرالدارىن قولدانا وتىرىپ، قارسىلاستىڭ جاساقتارىن انىقتاۋ مىندەتتەرى جۇكتەلەدى.
ارنايى وقۋ-جاتتىعۋدىڭ ماقساتى – باسقارۋ ورگاندارىنىڭ ءوزارا ءىس-قيمىلىن جەتىلدىرۋ، دالالىق ءبىلىم دەڭگەيىن كوتەرىپ، بارلاۋ بولىمشەلەردىڭ تەز ارادا ۇيلەسىمدىلىگىن ارتتىرۋ بولىپ تابىلادى.