قانشا جاننىڭ ۋاقىتشا نەكە قۇربانى بولعانىن ەشكىم ءدوپ باسىپ ايتا المايدى.
قازاقستاندا ۋاقىتشا نەكەگە تۇرىپ، تالاق ايتىپ اجىراساتىندار كوبەيدى، دەپ حابارلايدى Almaty-akshamy.kz Qazaqstan ۇلتتىق ارناسىنا سىلتەمە جاساپ.
ءدىنتانۋشى مامانداردىڭ ايتۋىنشا، ۋاقىتشا نەكەگە كوپ جاعدايدا تەرىس اعىمداردىڭ جەتەگىندە كەتكەندەر بارادى. ولار بەلگىلى ءبىر مەرزىم وتكەن سوڭ ايەلدى «تالاق» ەتىپ، تاستاپ كەتەدى.
««نيكاح مۋتا» دەيدى اراب تىلىنەن العان كەزدە. ول دەگەنىمىز ەكى جاقتىڭ، ياعني ەر مەن ايەلدىڭ ءبىر كەلىسىمشارتقا كەلىپ، ۋاقىتشا نەكە قيۋى. مۇندا نەكە ۋاقىتىن شەكتەپ قويادى. شاريعاتىمىز بۇعان قارسى. ونىڭ دۇرىس ەمەستىگىن ايتادى. ءبىراق دىندەگى جات اعىمداردىڭ جەتەگىندە جۇرگەن باۋىرلارىمىز بەن قارىنداستارىمىزدىڭ اراسىندا وسى نارسە بەلەڭ الىپ وتىر. ياعني ءبىر اي نەمەسە ءبىر جىل كولەمىندە بىرگە تۇرامىز دەپ نەكەسىن قيدىرادى. كەيىن ۋاقىتى وتكەن سوڭ نەكەنىڭ مەرزىمى ءبىتتى دەپ تالاعىن بەرىپ، اجىراسىپ جاتادى»، – دەيدى وبلىستىق قمدب ءپاتۋا ءبولىمىنىڭ جاۋاپتى مامانى باۋىرجان مەيىربەك ۇلى.