قازاقستاندا تۇرعىن ءۇي ساياساتىن رەفورمالاۋ تۋرالى زاڭ جوباسى ازىرلەندى

ءۇي كەزەگىنە اكىمدىكتەر ارقىلى تۇرۋ توقتاتىلادى.

قازاقستان ۇكىمەتى تۇرعىن ءۇي ساياساتىن رەفورمالاۋ تۋرالى جاڭا زاڭ جوباسىن ازىرلەدى. جوبا بويىنشا جەرگىلىكتى اتقارۋشى ورگانداردىڭ بازاسىندا كەزەكتە تۇرعان 623 مىڭ ادام «وتباسى بانك» اق-عا بەرىلەدى جانە اكىمدىكتەر ارقىلى كەزەككە قويۋ توقتاتىلادى، دەپ حابارلايدى Almaty-akshamy.kz Baq.kz سىلتەمە جاساپ.

«قۇرىلعان تۇرعىن ۇيمەن قامتاماسىز ەتۋ ورتالىعىنىڭ بازاسىندا، سوڭعى 10 جىل ىشىندە تۇرعىن ءۇيى جوق بارلىق ازاماتتاردىڭ كەزەكتىلىگى جۇرگىزىلەدى. ءاربىر وتىنىمگە وتباسىنىڭ تابىسىن، مۇلكى مەن اكتيۆتەرىن اشاتىن سيفرلىق پورترەت قالىپتاستىرىلاتىن بولادى»، - دەلىندى ۇكىمەت ساعاتىندا.

مينيسترلىكپەن ەڭبەك جانە حالىقتى الەۋمەتتىك قورعاۋ جانە سيفرلىق دامۋ، يننوۆاسيالار جانە اەروعارىش ونەركاسىبى مينيسترلىكتەرىمەن «وتباسىنىڭ سيفرلىق كارتاسى» جانە «Smart Data Ukimet» اقپاراتتىق جۇيەلەرىن قولدانا وتىرىپ، كەزەكتە تۇرعان ازاماتتاردىڭ كىرىسىن، نەسيەلەرىن، جىلجىمايتىن مۇلىك مەنشىكتەرىن قوسا العاندا تالداۋ بويىنشا جول كارتاسى بەكىتىلىپ، ءتيىستى جۇمىستار ىستەلىپ جاتىر.

«تۇرعىن ۇيمەن قامتاماسىز ەتۋ ورتالىعىن قۇرۋ ەسەپكە قويۋ جانە قارىز الۋ ءۇشىن، «تۇرعىن ۇيگە مۇقتاج» مارتەبەسىن راستاۋ ءۇشىن «ءبىر تەرەزە» قاعيداتىن قولدانۋعا مۇمكىندىك بەرىلەدى، ياعني بىرنەشە ينستانسيالارعا جۇگىنۋ قاجەتتىلىگى بولمايدى»، - دەلىنگەن باياندامادا.