بيىلعى ءبىرىنشى جارتىجىلدىقتا تەمىرجول كولىگىمەن تاسىمالداناتىن شيكىزاتتىق ەمەس ەكسپورت كولەمى ۇلعايدى.
التى ايدا شيكىزاتتىق ەمەس جۇكتەر ەكسپورتىنىڭ كولەمى شامامەن 10 ملن. توننانى قۇرادى، بۇل 2023 جىلدىڭ سايكەس كەزەڭىمەن سالىستىرعاندا 7% - عا ارتىق، دەپ حابارلايدى almaty-akshamy.kz كولىك مينيسترلىگىنە سىلتەمە جاساپ.
اتاپ ايتقاندا، حيميالىق جانە مينەرالدى تىڭايتقىشتار 11% - عا، ءتۇستى مەتالدار 9% - عا، قارا مەتالدار 15% - عا جانە باسقالار 11% - عا (بيداي ۇنى، تۇز، وسىمدىك مايى جانە ت.ب) ارتتى.
سونىمەن قاتار، جۇڭگو حالىق رەسپۋبليكاسى باعىتىندا جالپى ەكسپورت بەلسەندى تۇردە ارتىپ كەلەدى. ماسەلەن، بيىلعى جارتى جىلدىڭ ىشىندە ءوسىم 19%-دى نەمەسە 6،8 ملن توننانى قۇرادى.
ايتا كەتۋ كەرەك، مەملەكەتتىك ورگاندار دەڭگەيىندە ارنايى شتابتار قۇرىلىپ، جۇمىس ىستەيدى.
شتابتاردىڭ وتىرىسى اپتا سايىن وتكىزىلەدى. وندا بارلىق ماسەلەلەر جەدەل قارالىپ، شەشىمىن تابادى.