ونەركاسىپ – قازاقستان ەكونوميكاسىنىڭ باسىم باعىتى، ونىڭ دامۋىنا كولىك ىقپال ەتەدى. قىزمەت كورسەتۋ ءرولىن اتقارا وتىرىپ، لوگيستيكا جۇيەسىنە كىرەتىن تەمىرجولدار ەل ەكونوميكاسىنا جۇمىس ىستەيدى، دەدى ءبىرىنشى ۆيسە-پرەمەر رومان سكليار Primeminister.kz سايتىنا بەرگەن سۇحباتىندا.
«ءقازىر بىزدە ءارتۇرلى ءونىم تۇرلەرىنە تاريفتەردىڭ 11 ءتۇرى بار، اتاپ ايتساق: الەۋمەتتىك ماڭىزى بار تاۋارلار، كومىر تاسىمالداۋ، استىق تاسىمالداۋ جانە باسقالارى. ءبىزدىڭ تاريفتەر كورشى مەملەكەتتەرگە قاراعاندا شامامەن 2 ەسە تومەن ەكەنىن ايتا كەتكەن ءجون»، — دەدى رومان سكليار.
ءبىرىنشى ۆيسە-پرەمەر «قازاقستان تەمىر جولى» كاسىپورنىنان ارتىق تابىس الۋ كۇتىلىپ وتىرماعانىن جانە مەملەكەت ءوز تاراپىنان «ۇزاق مەرزىمگە نەسيەلەر»، تىكەلەي بيۋدجەتتىك قارجىلاندىرۋ، جەكە سالىمدار ارقىلى تەمىرجول ينفراقۇرىلىمىن ينۆەستيسيامەن قامتاماسىز ەتەتىنىن مالىمدەدى. دەگەنمەن، تەمىرجولدار ءوزىن-وزى قامتاماسىز ەتۋى كەرەك جانە بۇل تەڭگەرىمدى ساقتاۋ ماڭىزدى.