ادىلەت مينيسترلىگى رەسپۋبليكالىق جسو پالاتاسىمەن بىرلەسىپ، تاراز قالاسىندا جەڭىلدەتىلگەن اتقارۋشىلىق ءىستى جۇرگىزۋدى ەنگىزۋ بويىنشا پيلوتتىق جوبانى ىسكە قوستى.
وسىعان دەيىن ازاماتتار سالىنعان ايىپپۇلدى ۋاقىتىندا وتەي الماعان جاعدايدا، ايىپپۇلدىڭ 25%-عا دەيىنگى سوماسىن جەكە سوت ورىنداۋشىعا تولەۋگە مىندەتتى بولاتىن. ەندى بۇل قىزمەتتى روبوت تەگىن اتقارادى، دەپ حابارلايدى Almaty-akshamy.kz Elorda.info-عا سىلتەمە جاساپ.
جاڭا جوبانىڭ ارقاسىندا ەل ازاماتتارى 2 ملرد تەڭگەگە دەيىن ۇنەمدەي الادى.
جۇيە الگوريتمى كەلەسىدەي تارتىپپەن جۇمىس ىستەيدى:
1. ق ر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتى 50 كۇن ىشىندە تولەنبەگەن اكىمشىلىك قۇقىق بۇزۋشىلىق ءۇشىن ايىپپۇل سوماسىن ءوندىرىپ الۋ تۋرالى ۇيعارىم جىبەرەدى.
2. روبوت 5 كۇنتىزبەلىك كۇن ىشىندە تالاپتى ورىنداۋ قاجەتتىلىگى تۋرالى SMS حابارلاما جىبەرەدى.
3. ايىپپۇل بويىنشا ەرىكتى تولەم بولماعان جاعدايدا، جۇيە جەكە سوت ورىنداۋشىسىنا ماجبۇرلەپ ورىنداۋعا اتقارۋ پاراعىن ۇسىنادى.
4. تولەم ۋاقتىلى جۇرگىزىلسە، اتقارۋشىلىق ءىس جۇرگىزۋ ارتىق شىعىنسىز توقتاتىلادى.
جوبا ءساتتى جۇزەگە اساتىن بولسا، ونى بۇكىل قازاقستان اۋماعىنا ەنگىزۋ جوسپارلانىپ وتىر.