قازاقستاندا سينتەتيكالىق ەسىرتكى ساقتاعاندارعا جازا كۇشەيدى. قىلمىسكەرلەر ءبىر گرامم ءۇشىن بىردەن تەمىر توردىڭ ارعى جاعىنان شىعادى دەپ حابارلايدى almaty-akshamy.kz
بۇعان دەيىن ەسىرتكىنىڭ قىلمىستىق مولشەرى 3 گرامنان باستالاتىن. وعان قوسا، تىيىم سالىنعان پسيحوتروپتى زاتتار مەن ەسىرتكى سانى ۇلعايعان. سەبەبى سانانى ۋلايتىن ەسىرتكىنىڭ جاڭا تۇرىنە اۋەس جاستار كوبەيىپ بارادى. ءقازىر ينتەرنەتتەگى كولەڭكەلى ساۋدا قىزىپ تۇر.
ەسىرتكى تاسىپ، ۋادەلى جەرگە جاسىرعانى ءۇشىن كۋرەرلەر 10 جىلعا دەيىن باس بوستاندىعىنان ايىرىلۋى مۇمكىن. وعان قوسا مۇلكى دە تاركىلەنەدى. سول ءۇشىن ءومىر بويى قاپاسقا قامالعاندار دا بار.
جالپى، جىل باسىنان بەرى قازاقستاندا سينتەتيكالىق ەسىرتكى وندىرەتىن 11 جاسىرىن زەرتحانا انىقتالعان. مۇنداي زەرتحانالاردا ءتۇرلى فورمۋلانىڭ كومەگىمەن سينتەتيكالىق ەسىرتكىنىڭ بالاماسى ازىرلەنەدى. ءتارتىپ ساقشىلارى جاڭا ءتۇرىن انىقتاي سالا، دەرەۋ ولاردى تىيىم سالىنعان ەسىرتكى مەن پسيحوتروپتى زاتتاردىڭ تىزىمىنە ەنگىزەدى. بۇگىندە بۇل تىزىمدە 29 اتاۋى بار.