بۇل تۋرالى ءماجىلىس وتىرىسىندا ۇلتتىق ەكونوميكا ءمينيسترى نۇرلان بايبازاروۆ قازاقستاندا شاعىن بيزنەسكە قولداۋ كورسەتۋ ءۇشىن بولشەك ساۋدا سالىعى مودەرنيزاسيالاناتىنىن ايتتى، دەپ حابارلايدى aqshamnews.kz.
ول سالىقتىڭ جويىلمايتىنىن، بيزنەستىڭ قاجەتتىلىگىنە قاراي بەيىمدەلەتىنىن اتاپ ءوتتى. ونىڭ ايتۋىنشا، بولشەك ساۋدا سالىعى ەكى جىلدان بەرى جۇمىس ىستەپ كەلەدى، بيزنەس سوعان ۇيرەنىپ قالعان.
جاڭا سالىق كودەكسى اياسىندا سالىقتىق ارنايى رەجيمدەردى وڭتايلاندىرۋ ۇسىنىلعان، ونىڭ ىشىندە بولشەك ساۋدا سالىعى "شاعىن بيزنەس رەجيمى" دەپ قايتا اتالادى.
بايبازاروۆتىڭ سوزىنشە، مودەرنيزاسيانىڭ ماقساتى — كوبىرەك شاعىن كاسىپورىنداردى قامتۋ جانە ققس تولەمەيتىندەر ءۇشىن قىزمەت تۇرلەرىن كەڭەيتۋ.
ناتيجەسىندە، التى سالىقتىق رەجيمنىڭ ورنىنا ءۇش رەجيم قالاتىن بولادى: ءوزىن-وزى جۇمىسپەن قامتىعاندار، شاعىن بيزنەس جانە اگرارلىق سەكتور.