مۇنداي پورتالدار الەمنىڭ كوپتەگەن ەلىندە ءساتتى ىسكە قوسىلىپ، جۇمىس ىستەپ جاتىر.
ەلوردادا ترانسشەكارالىق ساۋدا راسىمدەرىنە قاتىستى قادامدىق اقپاراتتى ۇسىناتىن ساۋدا پورتالى رەسمي ىسكە قوسىلدى. وسىلايشا، پورتال ساۋدا راسىمدەرىنىڭ بيزنەس وكىلدەرىنە قولجەتىمدىلىگىن قامتاماسىز ەتەدى، دەپ حابارلايدى Almaty-akshamy.kz Baq.kz cىلتەمە جاساپ.
«وتاندىق ەكسپورتتىڭ 80%-ى شاعىن جانە ورتا بيزنەس سۋبەكتىلەرىنىڭ كاسىپورىندارىنا باعىتتالعانىن ايتا كەتكەن ءجون. ولار كوپ جاعدايدا نارىققا شىققان كەزدە كەدەرگىلەرمەن بەتپە-بەت كەلىپ جاتادى. ءارى ساۋدا پروسەدۋراسىن تۇسىندىرۋگە مۇقتاج. مۇنداي پورتالدار الەمنىڭ كوپتەگەن ەلىندە ءساتتى ىسكە قوسىلىپ، جۇمىس ىستەپ جاتىر. سونىمەن قاتار بيزنەستىڭ ادىلدىگىن قامتاماسىز ەتۋ جولىمەن شاعىن كاسىپكەرلىكتىڭ باسەكەگە قابىلەتتىلىگىن ارتتىرۋعا ۇلەس قوسۋدا. سوڭعى ەكى جىلدا ۇجىم بولىپ ۇلكەن جۇمىس اتقارىلدى»، - دەدى پورتالدىڭ اشىلۋ راسىمىندە ءسوز العان پرەمەر-مينيستردىڭ ورىنباسارى-قارجى ءمينيسترى ەرۇلان جاماۋبايەۆ.
ايتۋىنشا، پورتال اگرارلىق ازىق-تۇلىك سەكتورىنا باسا نازار اۋدارا وتىرىپ، شەكارا ارقىلى ساتىلاتىن 50-دەن استام تاۋار ءتۇرىن قامتيدى.
«سىرتقى ەكونوميكالىق قىزمەتتىڭ قاتىسۋشىلارى يمپورت جانە ەكسپورتپەن بايلانىستى ەرەجەلەر مەن پروسەدۋرالارعا تىكەلەي قولجەتىمدىلىككە يە بولادى. ءبىز ءۇشىن ساۋدا پورتالى وتاندىق بيزنەستى دامىتۋدا كەرى بايلانىس ورناتۋ ورتالىعىنا اينالادى. اتالعان باعىتتاعى جۇمىسقا بيزنەس قاۋىمداستىق بەلسەندى ارالاسادى دەپ ۇمىتتەنەمىن»، - دەپ اتاپ ءوتتى مينيستر.