قازاقستاننىڭ تۋريستىك كارتاسىن بايىتا تۇسۋگە قولونەرشىلەردىڭ قوسار ۇلەسى مول. اسەم تابيعات، دەڭگەيلى ينفراقۇرىلىم، جوعارى سەرۆيس - بۇل تۋريستەردى تارتۋدىڭ نەگىزى دەسەك، ال ونى تولىقتىرىپ، ەرەكشەلەندىرەتىن - قولونەرشىلەردىڭ ۇلتتىق ناقىشتا جاساعان ونىمدەرى.
«Kazakh Tourism» كومپانياسى سوڭعى بىرنەشە جىلدا وتاندىق شەبەرلەردىڭ ماسەلەسىن تىڭعىلىقتى زەرتتەپ كەلەدى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.
سونىڭ ىشىندە ماڭىزدىلارىنىڭ ءبىرى – قولونەرشىلىكتى وتاندىق تۋريزمگە ءتيىمدى كىرىستىرۋ. وسى جانە وزگە دە ماسەلەلەردى شەبەرلەرمەن تالقىلاۋ ماقساتىندا ۇلتتىق كومپانيا بيىل بارلىق وڭىردەگى قولونەرشىلەردىڭ باسىن قوسىپ ۇلكەن فورۋم وتكىزۋدى جوسپارلاپ وتىر. كەلەشەكتە شارانى داستۇرگە اينالدىرۋ كوزدەلگەن.
«قولونەرشىلەردىڭ ماسەلەسى ءوز الدىنا بولەك ۇلكەن ءبىر ماسەلە. ءبىزدىڭ وتكەن جىلدارى وتكىزگەن زەرتتەۋىمىز بويىنشا ماسەلەلەر دە كوپ. ونى تالقىلاپ، زەردەلەۋ ءۇشىن، الماتىدا كۇزدە ۇلكەن قولونەرشىلەر فورۋمىن ۇيىمداستىرماقپىز. سول جەردە ءبىز تاپقان پروبلەمالاردى قالاي شەشۋ كەرەك جانە وسى قولونەر سالاسىن باسقا كرەاتيۆتى سالالارمەن قالاي بىرىكتىرىپ، تۋريزمگە قالاي پايداسىن تيگىزەدى - سول تۋرالى ايتاتىن بولامىز»، - دەيدى «Kazakh Tourism»ۇق» اك باسقارۋشى ديرەكتورى دانيەل سەرجان ۇلى.