ق ر ۇلتتىق بانكى ءتوراعاسىنىڭ ورىنباسارى ۆيتاليي تۋتۋشكين ىشكى نارىقتى قولما-قول شەتەل ۆاليۋتاسىمەن قامتاماسىز ەتۋ شارالارىن ايتىپ بەردى، دەپ حابارلايدى اlmaty-akshamy.kz.
«قولما-قول شەتەل ۆاليۋتاسىنا قاتىستى ىشكى نارىقتاعى جاعداي قالىپقا كەلتىرىلدى. حالىقتىڭ سۇرانىسىن قاناعاتتاندىرۋ ءۇشىن قولما-قول شەتەل ۆاليۋتالارى جەتكىزىلدى. ەكىنشى دەڭگەيلى بانكتەردە ءوتىمدى ۆاليۋتالىق اكتيۆتەر كولەمى جەتكىلىكتى»، - دەدى ۆ.تۋتۋشكين ءماجىلىستىڭ جالپى وتىرىسىندا.
ونىڭ ايتۋىنشا، ۇلتتىق بانك قولما-قول شەتەل ۆاليۋتاسى نارىعىندا الىپساتارلىق ارەكەتتەردى بولدىرماۋ ءۇشىن ايىرباس پۋنكتەرى ارقىلى شەتەل ۆاليۋتاسىن ساتىپ الۋ باعامىنىڭ ساتۋ باعامىنان اۋىتقۋ شەكتەرىن كەڭەيتتى.
«مەملەكەت باسشىسىنىڭ ۇلتتىق ۆاليۋتانىڭ ورنىقتىلىعىن قامتاماسىز ەتۋ، كاپيتالدى اكەتۋگە جول بەرمەۋ تاپسىرماسىن ورىنداۋ ءۇشىن ترانسشەكارالىق قارجى وپەراسيالارىن باقىلاۋ شارالارى كۇشەيتىلدى. قابىلدانعان شارالارعا بايلانىستى، ىشكى ۆاليۋتا نارىعىنداعى جاعداي تۇراقتالىپ كەلەدى. قازىرگى ۋاقىتتا جاعداي سۇرانىس پەن ۇسىنىستىڭ تەڭگەرىمدە ەكەنىن كورسەتەدى. شارالار كەشەنى ايىرباس باعامىنا جانە كەيىننەن ينفلياسياعا قىسىمدى تومەندەتىپ، تەڭگەدەگى اكتيۆتەردى قولداۋعا كومەكتەسەدى»، - دەدى ۆيتاليي تۋتۋشكين.