بۇل تۋرالى عىلىم جانە جوعارى ءبىلىم ءمينيسترى ساياسات نۇربەك مالىمدەدى.
"بولاشاق" باعدارلاماسى اياسىندا وتاندىق زەرتتەۋشىلەردى فرانسيانىڭ جوعارى وقۋ ورىندارىنا جىبەرۋ مۇمكىندىگى كەڭەيتىلەدى، دەپ حابارلايدى Almaty-akshamy.kz
"مەملەكەت باسشىلارى دەڭگەيىندە قازاقستاندا قازاق-فرانسۋز ۋنيۆەرسيتەتىن اشۋ ماسەلەسىن پىسىقتاۋ جونىندە مالىمدەمە جاسالادى. ءبىز جەكە جۇمىس توبىن قۇرامىز، وسى ماسەلەنى پىسىقتايمىز"، - دەدى نۇربەك اقوردا كۋلۋارىندا.
سونداي-اق، ءمينيستردىڭ ايتۋىنشا، وڭىرلىك ۋنيۆەرسيتەتتەردە فرانسيانىڭ مىقتى جوعارى وقۋ ورىندارىن تارتۋ ارقىلى زەرتتەۋ كافەدرالارىن اشۋ مۇمكىندىگى تالقىلانادى.
"ءبىز اباي-ۆەرن باعدارلاماسىن كەڭەيتەمىز. وسى باعدارلاما اياسىندا جىل سايىن فرانسۋز تاراپىنان ءبىزدىڭ ماگيسترانتتار مەن دوكتورانتتاردىڭ فرانسيادا وقۋىنا 30 گرانت بولىنەدى. سول باعدارلامانى ءبىز كەڭەيتەمىز. گرانتتار سانىن 45-كە دەيىن ۇلعايتامىز"، - دەدى عىلىم ءمينيسترى.
بۇدان بولەك، "بولاشاق" باعدارلاماسى اياسىندا وتاندىق زەرتتەۋشىلەردى فرانسيانىڭ جوعارى وقۋ ورىندارىنا جىبەرۋ مۇمكىندىگى كەڭەيتىلەدى.
"قوسىمشا فرانسيانىڭ 13 جەتەكشى ۋنيۆەرسيتەتى قوسىلادى. سونىمەن قاتار پرەزيدەنتتىڭ باستاماسىمەن باستالعان 500 عىلىمي تاعىلىمداما باعدارلاماسى كەڭەيتىلەدى. ءبىزدىڭ تىزىمگە فرانسيانىڭ جەتەكشى 6 عىلىمي زەرتتەۋ ورتالىعى مەن زەرتحانالارى قوسىلادى. قازىرگى تاڭدا سەگىز قازاقستاندىق سول جاقتا تاعىلىمدامادان ءوتىپ جاتىر"، - دەدى ساياسات نۇربەك.