قانت يمپورتىنا كۆوتالاردى ءبولۋ ءتارتىبى وزگەرتىلدى
ق ر اۋىل شارۋاشىلىعى ءمينيسترىنىڭ 2022 جىلعى 5 شىلدەدەگى بۇيرىعىمەن ەلگە قانت يمپورتىنا ارنالعان كۆوتانى 250-دەن 350 مىڭ تونناعا دەيىن ۇلعايتۋ بەلگىلەندى، دەپ حابارلايدى Almaty-akshamy.kz.
سونىمەن قاتار وسى بۇيرىقپەن قانت كۆوتاسى 2022 جىلدىڭ 31 قازانىن قوسا العاندا ۇزارتىلدى. وعان قوسا قانت يمپورتىنا كۆوتالاردى ءبولۋ ءتارتىبى وزگەرتىلدى.
قۇجاتقا ساي، كۆوتالاردى بولۋگە قاتىسۋعا وتىنىمدەر قابىلدانادى:
بولىنگەن كۆوتادان 85% مولشەرىندە – ءوتiنiش بەرۋشiلەر-قانت زاۋىتتارى اراسىندا ونەركاسiپتiك وڭدەۋگە ارنالعان شيكى قۇراق قانتتى جانە تەك قانا iشكi نارىقتا ساتۋعا ارنالعان اق قانتتى يمپورتتاۋ ءۇشiن؛
بولىنگەن كۆوتادان 15% مولشەرىندە – ءوتىنىش بەرۋشىلەر اراسىندا قۇرامىندا قانت بار ونىمدەردى وندىرۋگە ارنالعان اق قانتتىڭ («قوسىمشا» ساناتى) يمپورتى ءۇشىن.
ءبىر ءوتىنىش بەرۋشى قانت زاۋىتىنا 30 000 توننادان اسپايتىن ليميت بەلگىلەندى.
قانت يمپورتىنا كۆوتالاردى العان ءوتىنىش بەرۋشىلەر 2022 جىلعى 14 شىلدەگە دەيىن ۋاكىلەتتى ورگانعا بولىنگەن كۆوتانىڭ ناقتى يگەرىلگەنى تۋرالى راستاۋ حاتىن جىبەرەدى. كەلىسىمشارت قۇنىنىڭ كەمىندە 15%-ىن تولەۋگە تولەم قۇجاتىنىڭ كوشىرمەسى بولماعان جاعدايدا ۋاكىلەتتى ورگان بۇرىن بولىنگەن كۆوتانى جويادى، – دەلىنگەن بۇيرىقتا.
بۇيرىق رەسمي جاريالانعان كۇنىنەن كەيىن قولدانىسقا ەنگىزىلەدى جانە 2021 جىلعى 20 جەلتوقساندا تۋىنداعان قۇقىقتىق قاتىناستارعا قولدانىلادى.