سايلاۋ ناۋقانى داۋىس بەرۋ كۇنىن قوسقاندا 60 كۇنگە سوزىلادى.
قازاقستاندا 2022 جىلدىڭ 20 قاراشاسىندا وتەتىن پرەزيدەنت سايلاۋىنىڭ قورىتىندىسى جاريالاناتىن كۇن بەلگىلى بولدى، دەپ حابارلايدى Almaty-akshamy.kz
پرەزيدەنت سايلاۋىنىڭ جوسپارىن ورتالىق سايلاۋ كوميسسياسى ءتوراعاسىنىڭ ورىنباسارى كونستانتين پەتروۆ مالىمدەدى. ونىڭ ايتۋىنشا، بۇكىل سايلاۋ ناۋقانى داۋىس بەرۋ كۇنىن قوسقاندا 60 كۇنگە سوزىلادى.
23 قىركۇيەك پەن 21 قازان استانا ۋاقىتى بويىنشا ساعات 18.00-گە دەيىن كانديداتتىڭ كونستيتۋسيا مەن كونستيتۋسيالىق زاڭ تالاپتارىنا سايكەستىگى انىقتالادى.
قولداردى جيناۋ جانە تەكسەرۋ 29 كۇنگە سوزىلادى.
«21 قازاندا ساعات 18.00-دەن باستاپ 28 كۇنگە سوزىلاتىن سايلاۋالدى ۇگىت-ناسيحات جۇمىستارى داۋىس بەرۋ الدىنداعى كۇنى ساعات 00.00-گە دەيىن جۇرگىزىلەدى. 19 قاراشا - ۇنسىزدىك كۇنى. داۋىس بەرۋ 20 قاراشادا جەرگىلىكتى ۋاقىت بويىنشا ساعات 7.00-دەن 20.00-گە دەيىن وتەدى. سايلاۋ ۋچاسكەلەرىندە داۋىستاردى ساناۋ داۋىس بەرۋ اياقتالعاننان كەيىن 12 ساعاتتان كەشىكتىرىلمەي ەسەپەلەدى. اكiمشiلiك اۋماقتىق بiرلiكتەر بويىنشا داۋىستاردى ساناۋ ناتيجەلەرiن اۋماقتىق سايلاۋ كوميسسيالارى بەلگiلەيدi جانە ەكi كۇن ىشىندە، ياعني 22 قاراشاعا دەيiن ورتسايلاۋكومعا جەتكiزەدi. ناتيجەلەردى انىقتاۋ جانە سايلانعان پرەزيدەنتتى تىركەۋ قولدانىستاعى زاڭناما نورمالارىنا سايكەس وسك-عا 7 كۇننەن اسپاي تىركەلەدى. سايلاۋ قورىتىندىلارى تۋرالى حابارلاما 10 كۇننەن كەشىكتىرمەي بۇقارالىق اقپارات قۇرالدارىندا جاريالانادى. ياعني، 30 قاراشاعا دەيىن بارلىق سايلاۋ پروسەدۋرالارى مەن رەسمي جاريالانىمدار جۇرگىزىلەدى»، - دەدى پەتروۆ.