اۋىل شارۋاشىلىعى ءمينيسترىنىڭ بۇيرىعىمەن بيىلعى جىلدىڭ 8 ساۋىرىندە قازاقستان اۋماعىنان پيازدى اكەتۋگە سالىنعان تىيىم الىندى، دەپ حابارلايدى اlmaty-akshamy.kz Azattyq Ruhy-نا سىلتەمە جاساپ.
بۇل رەتتە، وسى جىلدىڭ 8 ساۋىرىنەن 28 ساۋىرىنە دەيىن بۇيرىقپەن رەسپۋبليكا اۋماعىنان ەۋرازيالىق ەكونوميكالىق وداقتىڭ ءۇشىنشى ەلدەرى مەن مەملەكەتتەرىنە 20 مىڭ توننا مولشەرىندە پيازدى (ەاەو سىرتقى ەكونوميكالىق قىزمەتىنىڭ ءبىرىڭعاي تاۋار نومەنكلاتۋراسىنىڭ كودى 0703: 070310) اكەتۋگە ساندىق شەكتەۋلەر (كۆوتالار) ەنگىزىلدى.
«كۆوتانىڭ بۇكىل قولدانىلۋ مەرزىمى كەزىندە تاۋارلاردى اكەتۋگە ءبىر ءوتىنىش بەرۋشى ءۇشىن رۇقسات ەتىلگەن ليميت بەلگىلەنەدى، ول جيىنتىعىندا 500 توننادان اسپايدى»، - دەلىنگەن اشم حابارلاماسىندا.
قازاقستان اۋماعىنان تاۋارلاردى اكەتۋگە ارنالعان كۆوتالار كولەمىن ءبولۋ قازاقستان رەسپۋبليكاسى اۋىل شارۋاشىلىعى ءمينيسترىنىڭ 2015 جىلعى 29 ماۋسىمداعى № 15-08/590 بۇيرىعىمەن بەكىتىلگەن قازاقستان رەسپۋبليكاسىنىڭ اۋماعىن كارانتيندىك وبەكتىلەردەن جانە بوتەن تەكتى تۇرلەردەن قورعاۋ جونىندەگى قاعيدالارعا سايكەس، فيتوسانيتاريالىق سەرتيفيكاتتار بەرۋ كەزىندە بابج اج-دا اۆتوماتتى تۇردە جۇزەگە اسىرىلادى.