وندىرىستىك جاراقاتتانۋ مەن ءولىم جاعدايلارى 30 پايىزعا تومەندەيدى.
قۇرىلىس وبەكتىلەرىندەگى وندىرىستىك جاراقاتتانۋدىڭ الدىن الۋ جانە مۇنارا كراندارى وپەراتورلارىمەن بايلانىستى ءولىم جاعدايلارىن ازايتۋ جونىندەگى 2023-2025 جىلدارعا ارنالعان جول كارتاسى ازىرلەندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قۇجاتتى توتەنشە جاعدايلار مينيسترلىگىنىڭ ونەركاسىپتىك قاۋىپسىزدىك كوميتەتى اشىق تالقىعا شىعاردى.
جول كاراتاسىنا سايكەس، 2025 جىلعا دەيىن قايعىلى جاعدايلاردىڭ الدىن الۋعا باعىتتتالعان جۇمىستاردىڭ باسىم باعىتتارى:
قۇرىلىس الاڭدارىندا مۇنارا كراندارىن پايدالانۋعا بايلانىستى بولعان اپاتتار مەن وقيعالاردى تالداۋ؛
الەۋمەتتىك ارىپتەستىك جانە ەڭبەك قاتىناستارىن رەتتەۋ جونىندەگى رەسپۋبليكالىق جانە سالالىق ءۇشجاقتى كوميسسيانىڭ وتىرىستارىندا ءقاۋىپسىز ەڭبەك جاعدايلارىن قامتاماسىز ەتۋ ماسەلەسىن قاراۋ؛
ونەركاسىپتىك قاۋىپسىزدىك سالاسىنداعى مەملەكەتتىك ينسپەكتورلاردىڭ مۇنارا كراندارىن ىسكە قوسقانعا دەيىن تەحنيكالىق كۋالاندىرۋعا قاتىسۋى؛
جۇك كوتەرگىش مەحانيزمدەردى پايدالانۋ كەزىندە ونەركاسىپتىك قاۋىپسىزدىكتى قامتاماسىز ەتۋ قاعيدالارىنا وزگەرىستەر مەن تولىقتىرۋلار ەنگىزۋ؛
ءقاۋىپتى وندىرىستىك وبەكتىلەردە جۇك كوتەرگىش مەحانيزمدەردى جاڭارتۋ جانە تەحنيكالىق قايتا جاراقتاندىرۋ.
ونەركاسىپتىك قاۋىپسىزدىك ساراپتاماسىن كورسەتەتىن تۇلعالار ءۇشىن بىلىمگە، ىسكەرلىككە، داعدىلارعا، جۇمىس تاجىريبەسىنە، بىلىكتىلىك پەن قۇزىرەتتىلىك دەڭگەيىنە، ەڭبەك ساپاسى مەن جاعدايلارىنا قويىلاتىن جالپى تالاپتاردى بەلگىلەيتىن كاسىبي ستاندارت ازىرلەۋ قاراستىرىلعان.
ءاقپاراتتىق-تۇسىندىرۋ شارالارىن جۇرگىزۋ.
كوميتەت بولجامىنشا، اتالعان جۇمىستاردىڭ ناتيجەسىندە مۇنارا كراندارى وپەراتورلارىنىڭ وندىرىستىك جاراقاتتانۋى مەن ءولىم جاعدايلارى 30 پايىزعا تومەندەيدى. ال قۇرىلىس الاڭدارىنداعى اپاتتى جۇك كوتەرگىش مەحانيزمدەر 20 پايىزعا ازايادى. سونىمەن قوسا، نولدىك جاراقاتتانۋ تۇجىرىمداماسىنا ساي كەلەتىن كاسىپورىندار سانى 10 پايىزعا ارتادى.
قۇجاتتى اشىق تالقىلاۋ 5 جەلتوقسانعا دەيىن جالعاسادى.