مادەنيەت جانە سپورت مينيسترلىگى مەملەكەتتىك مۇراعاتتار ءۇشىن عيماراتتاردىڭ جەتىسپەۋشىلىگى ماسەلەسىن قوزعادى
ەلىمىز بويىنشا 229 مەملەكەتتىك مۇراعات جۇمىس ىستەيدى، دەپ حابارلايدى Almaty-akshamy.kz
«بۇل رەتتە مەملەكەتتىك مۇراعاتتاردىڭ تيپتىك مامانداندىرىلعان عيماراتتارىنىڭ جەتىسپەۋشىلىگى بايقالادى، ولاردىڭ ۇلەسى تەك 14،7%-دى قۇرايدى»، - دەدى ق ر مادەنيەت جانە سپورت ءمينيسترى داۋرەن ابايەۆ ۆەدومستۆونىڭ كەڭەيتىلگەن وتىرىسىندا.
ءمينيستردىڭ ايتۋىنشا، جۇرگىزىلگەن تالداۋ رەسپۋبليكا بويىنشا 128 نىسان سالۋ قاجەتتىگىن انىقتادى.
ول جەتەكشىلىك ەتەتىن ۆيسە-مينيسترگە جەرگىلىكتى اتقارۋشى ورگاندارمەن بىرلەسىپ مۇراعات قويمالارىنىڭ كولەمىن ۇلعايتۋ ماسەلەسىن پىسىقتاۋدى تاپسىردى.
«سونىمەن قاتار، نەگىزگى سەرۆەر ىستەن شىققان جاعدايدا «ە-مۇراعاتتى» رەزەرۆتىك سەرۆەرلەرمەن قامتاماسىز ەتۋ ماسەلەسىن باقىلاۋعا الۋ قاجەت. سونداي-اق مەملەكەتتىك ورگانداردىڭ ۇلتتىق جانە وڭىرلىك مۇراعاتتارمەن ءوزارا ءىس-قيمىل پروبلەماسى بار. جۇيەلەردى بىرىكتىرۋ رەسمي تۇردە جۇزەگە اسىرىلدى، ءبىراق ءىس جۇزىندە ول تولىق جۇمىس ىستەمەيدى. بۇل - ۇلتتىق قاۋىپسىزدىك ماسەلەسى. مەن ونى جەكە باقىلاۋىمدا ۇستايمىن»، - دەدى داۋرەن ابايەۆ.