دەرەكتەردى بەرۋ اۆتوماتتى رەجيمدە جۇزەگە اسادى.
ەلىمىزدە مۇناي مەن گاز كوندەنساتىن ەسەپكە الۋدىڭ اقپاراتتىق جۇيەسى ونەركاسىپتىك پايدالانۋعا ەنگىزىلدى، دەپ حابارلايدى Almaty-akshamy.kz.
ەنەرگەتيكا مينيسترلىگىنىڭ مالىمەتىنشە، جۇيەگە ءقازىردىڭ وزىندە 25 مۇناي ءوندىرۋشى ۇيىم، 4 مۇناي تاسىمالداۋشى كومپانيا جانە 3 مۇناي وڭدەۋ زاۋىتى قوسىلدى. ءقازىر قالعان ءوندىرۋشى كومپانيالاردى جۇيەگە قوسۋ جۇمىستارى جۇرگىزىلىپ جاتىر.
«اقپاراتتىق جۇيەنى قۇرۋ جانە ەنگىزۋ جۇمىستارى «سيفرلىق قازاقستان» باعدارلاماسى مەن «سيفرلاندىرۋ، عىلىم جانە يننوۆاسيالار ەسەبىنەن تەحنولوگيالىق سەرپىلىس» ۇلتتىق جوباسى شەڭبەرىندە ەنەرگەتيكا جانە سيفرلىق دامۋ، يننوۆاسيالار جانە اەروعارىش ونەركاسىبى مينيسترلىكتەرىنىڭ باسشىلىعىمەن جۇرگىزىلدى. اقپاراتتىق جۇيە مۇنايدى دايىنداۋ، وڭدەۋ جانە تاسىمالداۋ كەزەڭدەرىندە ەسەپكە الۋ اسپاپتارىنان دەرەكتەر جيناۋدى اۆتوماتتاندىرادى. دەرەكتەردى بەرۋ اۆتوماتتى رەجيمدە جۇزەگە اسادى»، - دەلىنگەن ەنەرگەتيكا مينيسترلىگىنىڭ باسپا ءسوز قىزمەتىنىڭ حابارلاماسىندا.
مۇناي مەن گاز كوندەنساتىن ەسەپكە الۋدىڭ اقپاراتتىق جۇيەسىنە ەنگىزۋدىڭ نەگىزگى كورسەتكىشتەرى:
- جەدەل دەرەكتەر نەگىزىندە مەملەكەتتىك دەڭگەيدە باسقارۋشىلىق شەشىمدەر قابىلداۋدى قولداۋ؛
- شيكى مۇناي مەن گاز كوندەنساتىنىڭ اينالىمىن بولجاۋ؛
- ەسەپكە الۋ اسپاپتارىنان الىنعان دەرەكتەر نەگىزىندە ەسەپتەردى اۆتوماتتى قالىپتاستىرۋ.
«بۇدان باسقا ەسەپتەۋ اسپاپتارىنان دەرەكتەردى اۆتوماتتى تۇردە جيناۋ جەر قويناۋىن پايدالانۋشىلارعا كۇندەلىكتى ەسەپتىلىكتى قولمەن تاپسىرۋ شىعىستارىن قىسقارتۋعا، سونداي-اق ادامي فاكتوردى الىپ تاستاۋعا بايلانىستى دەرەكتەردى دۇرىس ەنگىزبەۋ تاۋەكەلدەرىن بارىنشا ازايتۋعا مۇمكىندىك بەرەدى»، - دەلىنگەن حابارلامادا.