قازان ايىنىڭ ەكىنشى جەكسەنبىسىندە ەلىمىزدە مۇگەدەكتىگى بار ازاماتتار كۇنى اتاپ وتىلەدى، دەپ حابارلايدى aqshamnews.kz.
ەڭبەك جانە حالىقتى الەۋمەتتىك قورعاۋ مينيسترلىگىنىڭ مالىمەتىنشە، تاۋەلسىزدىك العان 30 جىلدان استام ۋاقىت ىشىندە رەسپۋبليكادا ەرەكشە قاجەتتىلىكتەرى بار ادامداردىڭ قۇقىقتارىن قورعاۋ جانە ءومىر ءسۇرۋ ساپاسىن ارتتىرۋ ساياساتى جۇيەلى تۇردە ىسكە اسىرىلۋدا. بۇل كۇن – ءار ادامنىڭ ءتۇرلى ەرەكشەلىكتەرىنە قاراماستان ءوزىن قۇندى جانە قاجەت ەكەنىن سەزىنەتىن ينكليۋزيۆتى قوعام قۇرۋدىڭ ماڭىزدىلىعىن اتاپ ءوتۋدىڭ تاعى ءبىر سالماقتى سەبەبى بولىپ تابىلادى.
بۇگىندە قازاقستاندا ەرەكشە قاجەتتىلىكتەرى بار 732 مىڭنان استام ادام تۇرادى. ولاردىڭ كوپشىلىگى وزدەرىنىڭ ومىرلىك مىسالدارىمەن ستەرەوتيپتەردى بۇزىپ، ەگەر اركىم وزىنە سەنەتىن بولسا، مۇمكىن ەمەس ەشنارسە جوق ەكەنىن دالەلدەگەن ازاماتتار.
مۇگەدەكتىگى بار ادامداردىڭ اراسىندا دارىندى سۋرەتشىلەر، تابىستى بيزنەسمەندەر، قوعام قايراتكەرلەرى بار. ولار يننوۆاسيالىق تەحنولوگيالار جاساپ، شابىت سىيلايتىن كىتاپتار جازىپ، الەۋمەتتىك جوبالار جاساۋدا. ولار قوعام دامۋىنا باعا جەتپەس ۇلەس قوسىپ كەلەدى.
بيىل پاريجدەگى پاراليمپيادا ويىندارىندا ۇزدىك ناتيجە كورسەتكەن مۇگەدەكتىگى بار سپورتشىلارىمىز ەلىمىزدىڭ ەرەكشە ماقتانىشتارىنا اينالدى. ءبىزدىڭ رەسپۋبليكا قۇراماسى 9 مەدالعا يە بولدى: 2 التىن، 3 كۇمىس جانە 4 قولا. ولاردىڭ جەتىستىكتەرى مۇگەدەكتىك قول سىلتەپ، بارىنەن كۇدەر ۇزۋگە بولمايتىنىنڭ ايقىن مىسالى بولىپ تابىلادى.
پاراليمپيادالىق ويىندارداعى جەتىستىك مەملەكەتىمىزدىڭ مۇگەدەكتىگى بار ازاماتتاردىڭ قۇقىقتارىن قورعاۋ، ءومىر ءسۇرۋ ساپاسىن جاقسارتۋ جانە ەرەكشە قاجەتتىلىكتەرى بار ادامداردى قوعام ومىرىنە قوسۋ بويىنشا دايەكتى ساياساتتىنىڭ ناتيجەسى.
ەلىمىزدەدە مۇگەدەكتىگى بار ازاماتتارعا ءبىلىم بەرۋ، جۇمىسپەن قامتۋ، دەنساۋلىق ساقتاۋ، الەۋمەتتىك كومەك، وڭالتۋ قىزمەتتەرى، ساياسي جانە قوعامدىق ومىرگە قاتىسۋ جانە ت. ب. قۇقىقتارىن جۇزەگە اسىرۋعا كەپىلدىك بەرەتىن زاڭناما بار. بارلىق وڭىرلەردە قولجەتىمدى ورتا قۇرۋ، جۇمىسقا ورنالاستىرۋ جانە جۇمىسپەن قامتۋدى قامتاماسىز ەتۋ، ارناۋلى الەۋمەتتىك قىزمەتتەر كورسەتۋ جانە ەرەكشە قاجەتتىلىكتەرى بار ادامداردى تەحنيكالىق كومەكشى قۇرالدارمەن جانە ارناۋلى ءجۇرىپ-تۇرۋ قۇرالدارىمەن قامتاماسىز ەتۋ جونىندە شارالار قابىلدانۋدا.
«وسى جىلى ەلىمىز بۇۇ-دا مۇگەدەكتىگى بار ازاماتتاردىڭ قۇقىقتارى تۋرالى كونۆەنسيانى جۇزەگە اسىرۋ ماقساتىندا قابىلدانعان شارالار تۋرالى العاشقى باياندامانى قورعادى. بۇۇ كوميتەتى قازاقستان قابىلداپ جاتقان شارالاردى جوعارى باعالادى جانە 2030 جىلعا دەيىنگى ينكليۋزيۆتى ساياسات تۇجىرىمداماسىندا ىسكە اسىرىلاتىن ءبىرقاتار ماڭىزدى ۇسىنىمداردى ۇسىندى.
ءبىز بۇگىنگە دەيىن كوپتەگەن قىزمەت اتقاردىق، ءبىراق ءارى قاراي دامۋ ءۇشىن ودان دا كوپ جۇمىستار اتقارۋىمىز قاجەت. بارلىعى قولجەتىمدى جانە ينكليۋزيۆتى قوعام قۇرۋ ءۇشىن بىرگە جۇمىس ىستەيىك!»، – دەپ اتاپ ءوتتى ق ر ەڭبەك جانە حالىقتى الەۋمەتتىك قورعاۋ ءمينيسترى سۆەتلانا جاقىپوۆا.