قازاقستان رەسپۋبليكاسى بويىنشا الەۋمەتتىك قورعاۋدىڭ باس مەملەكەتتىك ينسپەكتورى ورتالىق مەملەكەتتىك ورگان دەڭگەيىندە بەكىتىلەتىن بولادى.
ق ر الەۋمەتتىك كودەكسىنىڭ كۇشىنە ەنۋىمەن 2023 جىلدىڭ 1 شىلدەسىندە مەملەكەتتىك الەۋمەتتىك قورعاۋ ينسپەكتورلارىنىڭ مارتەبەسى، ولاردىڭ نەگىزگى ەرەجەلەرى، قۇقىقتارى مەن مىندەتتەرى بەكىتىلدى، دەپ حابارلايدى Almaty-akshamy.kz ق ر ەڭبەك جانە حالىقتى الەۋمەتتىك قورعاۋ مينيسترلىگىنىڭ اقپاراتىنا سۇيەنىپ.
ق ر ەحاقم ەڭبەك جانە الەۋمەتتىك قورعاۋ كوميتەتىنىڭ اۋماقتىق دەپارتامەنتتەرىنىڭ باسشىلارىنا وڭىرلەر بويىنشا باس مەملەكەتتىك الەۋمەتتىك ينسپەكتورلار مارتەبەسى بەرىلدى.
ءار وڭىردە الەۋمەتتىك قورعاۋدىڭ قاتارداعى مەملەكەتتىك ينسپەكتورلارىنىڭ شتاتى بەكىتىلدى.
الەۋمەتتىك قورعاۋ مەملەكەتتىك ينسپەكتورلارىنىڭ قۇزىرەتىنە: مۇگەدەكتىگى بار ادامداردى الەۋمەتتىك قورعاۋ، ارناۋلى الەۋمەتتىك قىزمەتتەر كورسەتۋ، الەۋمەتتىك قامسىزداندىرۋ، ونىڭ ىشىندە زەينەتاقىمەن قامسىزداندىرۋ جانە مىندەتتى الەۋمەتتىك ساقتاندىرۋ سالاسىنداعى زاڭنامانىڭ ساقتالۋىنا الەۋمەتتىك تولەمدەردى ۋاقتىلى جانە دۇرىس تاعايىنداۋ، «ازاماتتارعا ارنالعان ۇكىمەت» مەملەكەتتىك كورپوراسياسى» كەاق الەۋمەتتىك تولەمدەردى الۋشىعا ۋاقتىلى جانە تولىق اۋدارۋ بولىگىندە مەملەكەتتىك باقىلاۋدى جۇزەگە اسىرۋ كىرەدى.
مەملەكەتتىك باقىلاۋ سۋبەكتىلەرگە جۇزەگە اسىرىلاتىن بولادى:
- ارناۋلى الەۋمەتتىك قىزمەتتەر كورسەتۋدى جۇزەگە اسىراتىندار (قارتتارعا، مۇگەدەكتەرگە ارنالعان ۇيلەر، وڭالتۋ ورتالىقتارى، كۇندىزگى بولۋ ورتالىقتارى جانە ت. ب.)؛
- مۇگەدەكتىگى بار ادامداردى تەحنيكالىق وڭالتۋ قۇرالدارىمەن جانە كورسەتىلەتىن قىزمەتتەرمەن قامتاماسىز ەتۋ بولىگىندە جۇمىسپەن قامتۋ جانە الەۋمەتتىك باعدارلامالار باسقارمالارى مەن بولىمدەرى؛
- مۇگەدەكتىگى بار ادامدار ءۇشىن تولىق قولجەتىمدىلىكتى قامتاماسىز ەتۋ بولىگىندە مەملەكەتتىك جانە جەكە الەۋمەتتىك ينفراقۇرىلىم وبەكتىلەرى؛
- «ازاماتتارعا ارنالعان ۇكىمەت» مەملەكەتتىك كورپوراسياسى» كەاق جانە «مەملەكەتتىك الەۋمەتتىك ساقتاندىرۋ قورى» اق فيليالدارىنا زەينەتاقىلاردى، جاردەماقىلاردى جانە الەۋمەتتىك تولەمدەردى تاعايىنداۋ، ۋاقتىلى جانە تولىق تولەۋ بولىگىندە تەكسەرۋ.
الەۋمەتتىك قورعاۋ سالاسىندا الەۋمەتتىك ينسپەكتورلاردى ەنگىزۋمەن كۇشەيتىلەتىن مەملەكەتتىك باقىلاۋ جۇيەسى (كاسىپكەرلىك جانە الەۋمەتتىك كودەكستەرگە سايكەس مەنشىكتىڭ بارلىق نىساندارىنىڭ وبەكتىلەرىن تەكسەرۋدى جۇزەگە اسىرۋ) قۇرىلعانىن اتاپ ءوتۋ قاجەت، بۇل 2025 جىلعا دەيىن مۇگەدەك ادامداردىڭ ءومىر ءسۇرۋ ساپاسىن جاقسارتۋ جونىندەگى ۇلتتىق جوسپاردى جانە ق ر الەۋمەتتىك كودەكسىن ىسكە اسىرۋدا وڭ ناتيجە بەرەدى.
سونداي-اق، الەۋمەتتىك قورعاۋ مەملەكەتتىك ينسپەكتورلارىنا ارناۋلى الەۋمەتتىك قىزمەت الۋشىلاردىڭ ءومىرى مەن دەنساۋلىعىنا ءقاۋىپ توندىرەتىن، الەۋمەتتىك قىزمەتكەرلەرگە قويىلاتىن بىلىكتىلىك تالاپتارى مەن تالاپتارىنا سايكەس كەلمەيتىنى انىقتالعان جاعدايدا، الەۋمەتتىك قىزمەتكەردى جۇمىستان ۋاقىتشا شەتتەتۋ تۋرالى فۋنكسيالار بەرىلەدى. ارناۋلى الەۋمەتتىك قىزمەت الۋشىلاردىڭ ءومىرى مەن دەنساۋلىعىنا ءقاۋىپ توندىرەتىن فاكتىلەر انىقتالعان جاعدايدا، مەملەكەتتىك ينسپەكتورلار تەكسەرىلەتىن سۋبەكتىنىڭ لاۋازىمدى ادامدارى مەن قىزمەتكەرلەرىن جۇمىستان ۋاقىتشا شەتتەتۋ تۋرالى ۇيعارىم شىعارۋعا ۋاكىلەتتى بولادى.