وقۋ جىلى قارساڭىندا قازاقستاندا كۇردەلى جوندەۋدەن كەيىن 222 مەكتەپ اشىلاتىنىن وقۋ-اعارتۋ مينيسترلىگى ءمالىم ەتتى، دەپ حابارلايدى aqshamnews.kz.
ۇكىمەت وتىرىسى بارىسىندا وقۋ-عارتۋ ءمينيسترى عاني بەيسەمبايەۆ ءبىلىم بەرۋ نىساندارىنىڭ قازىرگى جاعدايى تۋرالى باياندادى.
بۇگىنگى تاڭدا رەسپۋبليكا بويىنشا 7 859 مەكتەپ جۇمىس ىستەيدى، ونىڭ 6 387ء-سى جاقسى جاعدايدا. جامبىل، پاۆلودار، اقمولا جانە تۇركىستان وبلىستارىندا 1290 مەكتەپ كۇردەلى جوندەۋدى قاجەت ەتەدى.
سونىمەن قاتار 280 مەكتەپتە جايلى وقۋ جاعدايىن جاساۋ ءۇشىن قازىرگى ۋاقىتتا جوندەۋ جۇمىستارى جۇرگىزىلۋدە. 222 مەكتەپتە كۇردەلى جوندەۋ جۇمىستارى وقۋ جىنىڭ باسىنا دەيىن اياقتالادى. كەستەدەن ارتتا قالۋ ءقاۋپى قاراعاندى، الماتى، سولتۇستىك قازاقستان جانە شىعىس قازاقستان وبلىستارىندا، سونداي-اق الماتى قالاسىندا قوسىمشا 15 وبەكت بويىنشا انىقتالىپ وتىر. سۋ تاسقىنى سالدارىنان زارداپ شەككەن ءبىلىم بەرۋ نىساندارى بويىنشا قالپىنا كەلتىرۋ جۇمىستارى جۇرگىزىلۋدە.
«اۋقىمدى سۋ تاسقىنى سالدارىنان بارلىعى 40 ءبىلىم بەرۋ نىسانى زارداپ شەكتى. بۇگىنگى تاڭدا 5 نىسان بويىنشا قالپىنا كەلتىرۋ جۇمىستارى اياقتالدى. 16 نىسان بويىنشا جۇمىس جۇرگىزىلۋدە»، - دەپ اتاپ ءوتتى عاني بەيسەمبايەۆ.