ەلىمىزدە 1 قازاننان باستاپ ادامنىڭ پاپيللوماۆيرۋسى ينفەكسياسىنا قارسى ۆاكسينالاۋ باستالادى.
ماماندار جاتىر موينى وبىرىنىڭ دامۋىن تەجەيتىن جالعىز ءادىس ۆاكسينا ەكەنىن ايتادى. دۇنيەجۇزىلىك دەنساۋلىق ساقتاۋ ۇيىمىنىڭ ۇسىنىسىمەن 135 ەلدە، ونىڭ ىشىندە قازاقستاندا ادامنىڭ پاپيللوماۆيرۋسى ينفەكسياسىنا قارسى ۆاكسينا ۇلتتىق ەگۋ كۇنتىزبەسىنە ەنگىزىلگەن. الەمدىك زەرتتەۋلەر بۇل ەكپەنىڭ ءقاۋىپسىز ءارى ءتيىمدى ەكەنىن كورسەتىپ وتىر، دەپ حابارلايدى aqshamnews.kz.
دەنساۋلىق ساقتاۋ مينيسترلىگىنىڭ مالىمەتىنە سۇيەنسەك، ەلىمىزدە كۇن سايىن ەكى ايەل قاتەرلى ىسىكتەن كوز جۇمادى.
جىل سايىن جاتىر موينى وبىرىنىڭ 1900-گە جۋىق جاعدايى تىركەلەدى. ياعني كۇن سايىن بەس ادامنان انىقتالادى. وكىنىشتىسى سول، جىلىنا 600-دەن استام ايەل وسى دەرتتەن قايتىس بولادى. ال مينيسترلىك الەۋمەتتىك جەلىلەردە اتالعان ۆاكسينا جايلى تەرىس اقپاراتتاردىڭ تاراعانىن ەسكەرتىپ، شىندىققا جاناسپايتىنىن جەتكىزدى.